新聞透視

出自維基百科,自由嘅百科全書
跳去導覽 跳去搵嘢

新聞透視》(英文News Magazine)係香港電視廣播有限公司新聞及資訊部公共事務科製作嘅一個新聞雜誌電視節目,每個禮拜專題報道多段香港以至國際嘅矚目新聞,聚焦香港人最關心嘅民生話題,並邀請各界人士、學者、專家,一同深入探討箇中來龍去脈。

《新聞透視》係全年播放嘅長壽節目,自1981年啟播到今日,大部份時間都維持每個禮拜播一集。曾經喺1990年代中期變陣改為禮拜一至禮拜五播,節目形式改為評論即日新聞時事話題,但係呢種形式只維持咗一段短時間,最後都係改返每個禮拜一集、每集半個鐘嘅舊陣。而家逢禮拜六晚喺翡翠台播出。

相對於同樣都係無綫電視新聞及資訊部製作嘅專題探討節目《檔案系列》嚟講,《新聞透視》內容較著重新聞時事性,而《檔案系列》就較傾向探討軟性故事。而《新聞透視》嘅探討論議題手法,經常以批判性嘅角度,畀觀眾對某項議題嘅固有諗法作出反思,例如會做街頭訪問、科學測試等,請專家提出意見或坊間傳言作出鮮明嘅對比。

出面網頁[編輯]