映襯

映襯，又叫做襯托，係中文嘅一種修辭手法，主要係用兩個或以上嘅事物互相比較，對比兩個事物有咩嘢唔同。映襯有正襯、反襯、旁襯之分。映襯同對比唔同，映襯強調兩個事物有主次之分，以次要嘅突出主要嘅；而對比係將兩個事物放埋一齊比較，冇一方比較突出。

用法

正襯

正襯，係指用兩件事物整齊咁比較，好處係可以令人有一種有勁嘅整齊感覺。

例子

• 朱門酒肉臭，路有凍死骨（杜甫·自京赴奉先縣詠懷）

反襯

反襯，係將同A相反嘅B用埋一齊，好處係可以畀人有一種強烈嘅對比感覺。

例子

• 敗草裏的鮮花（徐志摩《我所知道的康橋》）
  • 用「敗草」嚟襯托「鮮花」，令人可以諗到響一大堆敗草入面有一朵鮮花，形成強烈對比。

旁襯

旁襯，係指將主體A刪走，用有關聯嘅B嚟從側面烘托A。旁襯因為比較難寫，又好易同反襯撈亂，所以比較少人用。

例子

• 縣中學生一群一伙，三三兩兩，邊走邊唱著，談著。笑著，走到與改霞相遇時，一下子靜下來，對她行「注目禮」。有些走了以後，還要回頭看一看。
  • 響呢句入面，作者刪走咗主體A「改霞嘅美貌」，用旁體B「縣中學生見到改霞個陣嘅反應」，由側面烘托住改霞嘅美貌。