昴星團

出自維基百科,自由嘅百科全書
跳去導覽 跳去搵嘢
昴七星
昴,來自敦煌莫高窟古卷星圖。昴,圖偏左上,畫咗七星。
以X光影出來,團中有大量星。

昴星團星團之一,分類疏散星團,同名星官而名。可以就咁叫,或者昴宿星團,借西洋七姊妹星團。佢號編號M45。西洋而言,歸金牛座。近地球星團之中,佢可以響冬季星空,以肉眼觀察,所以至出名。另一個肉眼睇到,係畢星團。古時肉眼可以睇到七星,用以驗視力。然而實情佢有過千粒星,遠遠多過肉眼睇到。

昴,古時話佢似團毛頭,亦為司辰之用。西方白虎嘅來由。

以佢靠近黃道而又光猛,世界各地古人,都留意到昴,甚至有唔同神話

天文台望遠鏡,天文攝影愛好者,都慣常以昴為目標。亦都係好多觀星友必認嘅目標之一,都幾犀利㗎。

構造[編輯]

星團實為一堆熾熱藍星,距今一億年之內形成。星星周圍嘅塵,形成暗黑之反射星雲。以前以為,塵為星團形成時嘅遺物,之不過,今下知道,純粹星團咁啱行過,撞上一團塵雲,而吸附咗團塵。天文學家估計,星團都仲有兩萬五千萬年「命」。之後佢會畀銀河旋臂,以及巨形分子雲,兩者引力作用而扯開。