朱權

出自維基百科,自由嘅百科全書
Jump to navigation Jump to search
朱權
武夷山茶博园朱权塑像.JPG
出生日 1378年5月27號 喺Wikidata改呢個
南京 喺Wikidata改呢個
出生地 南京 喺Wikidata改呢個
死亡日 1448年10月12號 喺Wikidata改呢個 (70歲)
國籍 大明 喺Wikidata改呢個
職業 作家、playwright、畫師詩人、aristocrat 喺Wikidata改呢個
仔女 Q6784988、Q22829278 喺Wikidata改呢個
家族 House of Zhu 喺Wikidata改呢個
阿爸 朱元璋 喺Wikidata改呢個
阿媽 Q30943958 喺Wikidata改呢個
兄弟姊妹 Zhu Biao、Zhu Fu、Zhu Gang、Zhu Shuang、Zhu Pian、Zhu Zhan、Zhu Yi、Zhu Ji、Zhu Song、Zhu Bo、Zhu Gui、Zhu Jing、Zhu Zi、Zhu Dong、Zhu Zhi、朱椿、Zhu Nan、Zhu Ying、Zhu Zhen、Zhu Ying、Zhu Mo、Zhu Hui、Zhu Tan、朱棣、Mu Ying、朱橚、Princess Nankang、Princess Hanshan、Princess Shouchun、Princess Daming、Princess Anqing、Princess Ningguo、Princess Baoqing、Princess Huaiqing、Princess Yongjia、Princess Runing、Princess Ruyang、Princess Linan、Princess Fuqing、Princess Chongning 喺Wikidata改呢個

朱權粵拼zyu1 kyun41378年5月27號1448年)係明太祖朱元璋第十七個仔,封寧王,叫臞仙,又叫涵虛子、丹丘先生。

生平[編輯]

朱權塑像
《臞仙神奇秘譜》下卷

朱權能文能武,多才善謀。洪武二十四年(1391年),十三歲嘅佢被封做寧王,兩年之後去北方邊境嘅軍事重鎮大寧(今內蒙古寧城)就藩,「帶甲八萬,革車六千,所屬朵顏三衛騎兵皆驍勇善戰」。

建文元年(1399年),燕王朱棣起兵反叛,建文帝朱允炆驚朱權投奔朱棣,召朱權去京師,朱權唔肯去,對南京朝廷有觀望態度,被朱允炆削三護衛。另一方面朱棣亦都想攞到大寧騎兵助戰。同年朱棣率兵去大寧,朱權准佢入城見面。朱棣暗中派人交結朵顏三衛首領及同大寧駐軍。朱棣趁朱權出城送佢嗰陣出伏兵挾持朱權,將朱權同佢屋企人帶返北平(而家北京),同時收咗大寧諸軍同三衛騎兵自己用,實力大增。

朱棣稱帝之後,永樂元年(1403年)朱權搬去南昌,冇耐俾「人告權巫蠱誹謗事」,朱棣派人「密探無驗」,件事先算數。

朱權知皇帝朱棣對佢估估下,就黃老之術,「構精廬一區,鼓琴讀書其間」,諗住逃避殺戮。嗰陣江西南昌一帶好興淨明道,朱權就去參修淨明道,但係又驚驚下,喺明英宗正統十三年(1448年)病死。諡獻,叫寧獻王。世子朱盤烒早死,由個孫朱奠培繼承王爵。

朱權喺靖難之役入面被朱棣脅迫共同反叛,朱棣應承搞掂件事之後平分天下,但後來唔單只冇實踐諾言,重剝奪咗朱權嘅兵權,將寧王駐地移去南昌,朱權一直對呢樣嘢好嬲。重曾經上書明仁宗,俾人鬧[1]

作品[編輯]

朱權著作好多,曾經編輯《通鑑博論》,寫咗《寧國儀範》、《家訓》、《文譜》、《詩譜》、《史斷》、《通鑒博論》、《漢唐秘史》、《琴阮啓蒙》、《神奇秘譜》、《茶譜》、《瓊林雅韻》、《神隱》、《太和正音譜》等幾十種著作,其中《太和正音譜》係戲劇史上重要嘅理論專著。

後代[編輯]

朱權嘅後代朱宸濠起事,對抗明武宗中文明武宗,就係宸濠之亂,淨係三十五日,就被思想家王陽明平定,寧王封國被廢除。

著名畫家八大山人係佢嘅九世孫。

屋企人[編輯]

老婆[編輯]

  • 妃張氏,兵馬指揮張泰嘅女,先薨

仔女[編輯]

[編輯]

  1. 莊惠世子朱盤烒(寧惠王)
  2. 冇名,早死
  3. 臨川康僖王朱盤燁
  4. 宜春安簡王朱盤烑
  5. 新昌安僖王朱盤炷
  6. 信豐悼惠王朱盤㷬

[編輯]

  1. 14個女,都係郡主

參攷[編輯]

  1. 《明史卷一百一十七·諸王二》:燕王謂權,事成,當中分天下。比即位,王乞改南土。請蘇州,曰:「畿內也。」請錢塘,曰:「皇考以予五弟,竟不果。建文無道,以王其弟,亦不克享。建寧、重慶、荊州、東昌皆善地,惟弟擇焉。」永樂元年二月改封南昌,帝親制詩送之,詔即布政司為邸,瓴甋規制無所更。已而人告權巫蠱誹謗事,密探無驗,得已。自是日韜晦,構精廬一區,鼓琴讀書其間,終成祖世得無患。仁宗時,法禁稍解,乃上書言南昌非其封國。帝答書曰:「南昌,叔父受之皇考已二十餘年,非封國而何?」宣德三年請乞近郭灌城鄉土田。明年又論宗室不應定品級。帝怒,頗有所詰責。權上書謝過。

原因:明太祖冊封
明寧國國王
1391年1448年
繼任:
孫靖王朱奠培