朱玲玲

出自維基百科,自由嘅百科全書
Jump to navigation Jump to search

朱玲玲1958年9月7號—)係1977年香港小姐冠軍,成為名人。選到冇幾耐就嫁入豪門,嫁畀名商人霍英東大仔霍震霆,2004年離婚。

朱玲玲近來多從事慈善活動,家下幫慧妍雅集同埋2008年緬甸風災災民搞慈善賑災活動。

屋企[編輯]

朱玲玲係緬甸出世嘅唐人,朱家祖藉廣東台山。朱玲玲嘅阿爸阿媽係緬甸華僑,九歲嗰陣,全家搬來香港定居。

婚姻[編輯]

霍震霆大朱玲玲 14 歲,結婚後朱玲玲生咗三個仔,大仔霍啟剛、二仔霍啟山同埋第三仔霍啟仁。早年朱玲玲淡出社交界,專心湊三個仔。到1990年,朱玲玲曾同埋佢家姐夾份,喺中環開咗間賣英國飾物嘅精品店,但係由於家族壓力要退股。2001年,朱玲玲搬出霍家大宅,正式分居。

2006年9月,朱玲玲個好友葉蒨文向傳媒披露,霍震霆同朱玲玲喺2004年離咗婚,而且早喺1997年分咗居。

近年,朱玲玲同商人羅康瑞傳緊緋聞[1]。收尾嚮2008年11月尾,佢哋嚮新加坡行婚拉埋天窗。霍震霆公開祝佢哋好運[2]

事業[編輯]

佢中學喺香港國際學校畢業,之後英皇佐治五世學校預科。佢做過業餘模特兒,1977年參加香港小姐競選,得到冠軍同埋最上鏡小姐,係第一個一齊得兩個獎嘅參賽者。當選後只係娛樂圈發展咗好短時間,響無綫電視拍過一部電視劇瑪麗關77》。

資料來源[編輯]

  1. 羅康瑞對朱玲玲作品志在必得 戀情似是公開秘密[失咗效嘅鏈]
  2. 2008年11月尾,瑞安集團主席羅康瑞,同霍震霆前妻朱玲玲「拉埋天窗」。

睇埋[編輯]


前任:
林良蕙
香港小姐競選冠軍
1977年
繼任:
陳文玉