李嘉欣
呢篇文講藝人。想搵同名中醫嘅話，請睇李嘉欣 (中醫)。| 李嘉欣 | |||||
|---|---|---|---|---|---|
| 女藝人 | |||||
| 原文名 | Michele Monique Reis | ||||
| 別名 | 大美人 | ||||
| 國籍 |  中國（香港） 中國（澳門） 葡萄牙 | ||||
| 民族 | 中葡混血兒 | ||||
| 出世 | 1970年6月20號 葡屬澳門 | ||||
| 職業 | 演員、模特兒 | ||||
| 語言 | 粵語、普通話、上海話、英語、葡萄牙語、日語 | ||||
| 教育程度 | 中學五年級 | ||||
| 母校 | 瑪利諾修院學校（小學部）[1] 瑪利諾修院學校（中學部）[1] | ||||
| 配偶 | 許晉亨（2008年結婚） | ||||
| 仔女 | 仔：許建彤（Jayden Max） 2011年2月8號 | ||||
| 屋企人 | 家姐：李嘉明 | ||||
| 出道地 |  英屬香港 | ||||
| 出道日期 | 1988年 | ||||
| 出道作品 | 電視劇《花月佳期》 | ||||
| 代表作品 | 電視劇： 《畫魂》 《原振俠》 電影： 《海上花》 《墮落天使》 《Miss杜十娘》 《妖獸都市》 | ||||
| 活躍年代 | 1988年到2003年，2009年 | ||||
| 網路電影資料庫（IMDb）資訊 | |||||
| |||||
李嘉欣（葡文：Michelle Monique Reis，1970年6月20號—）係1988年度香港小姐競選冠軍。
生平
[編輯]李嘉欣喺澳門出世，係中葡混血，老豆係葡萄牙人，有一個家姐。中學時代係瑪利諾修院學校讀書。李嘉欣童年時代好唔平凡，3歲時就做過廣告童星，14歲就做模特兒。當時候冇咩女仔會有咁好彩。
選美
[編輯]18歲李嘉欣啱啱參加完中學會考，就參選咗香港小姐競選，贏咗冠軍。第二年國際華裔小姐，李嘉欣亦都得到咗冠軍。當時有人形容李嘉欣係「驚艷」。即使到咗依家，人哋都會話李嘉欣至係真正嘅港姐冠軍。
演出
[編輯]當選港姐冠軍之後，李嘉欣開始參與幕前演出。佢第一部作品係無綫電視電視劇《花月佳期》，同吳鎮宇合演。無耐佢開始演出港產片，好似周星馳主演嘅《鹿鼎記》李嘉欣就有份演出。佢最突出嘅係1993年同黎明合演嘅《原振俠》。但隨住1990年代尾港產片市道轉差，李嘉欣已經再冇點演戲。
感情生活
[編輯]外界一般都望住李嘉欣感情史多過佢嘅演出。佢早喺啱啱參選港姐嗰陣就同倪震拍拖，但無耐分咗手。1992年佢又傳出同黎明有來往。之後佢成日都牽涉到一啲城中名人嘅緋聞，當中有啲名人重已經結過婚，因此成日俾人鬧狐狸精。到咗年前李嘉欣終於同許晉亨結婚[2]。
演出作品
[編輯]電視劇
[編輯]電影
[編輯]- 1990年：《靚足100分》
- 1990年：《至尊計狀元才》
- 1990年：《倩女幽魂2人間道》
- 1991年：《俠女傳奇》
- 1992年：《妖獸都市》
- 1992年：《鹿鼎記》
- 1992年：《方世玉》
- 1993年：《飛狐外傳》
- 1995年：《墮落天使》
- 1997年：《97古惑仔之戰無不勝》
- 1999年：《黑馬王子》
- 2000年：《俠骨仁心》
- 2001年：《愛情白麵包》
- 2001年：《完美情人》
- 2002年：《豬扒大聯盟》
- 2003年：《Miss杜十娘》
爭議
[編輯]介入劉鑾雄同寶詠琴嘅婚姻
[編輯]李嘉欣曾經介入劉鑾雄同寶詠琴嘅三角戀愛關係，曾經哄動一時，當時傳出李嘉欣喺電話爆粗鬧寶詠琴，甚至係半夜三更打電話去。寶詠琴曾經公開批評李嘉欣為人虛偽，平日睇落去好似仙女咁，但私下就非常不堪，話自己「最恨李嘉欣」，有病都係被佢激出嚟。李嘉欣之後承認自己傷害過其他人嘅家庭，但就否認打過粗口電話俾寶詠琴[3]。
同劉鑾雄電話爆粗錄音外流事件
[編輯]2007年，互聯網流傳幾段錄音，內容係有關李嘉欣同富商劉鑾雄（大劉）爭執，對話大多係李嘉欣指罵劉鑾雄以多名女藝人簽約為名，包括蔡少芬同洪欣，實際上係故意同佢發生關係。不過一般網民相信呢啲錄音係喺1990年代偷錄嘅[4][5][6]。
而錄音外流後，觀眾大多都落眼於點解李嘉欣背著劉鑾雄元配寶詠琴同劉鑾雄發生關係，但竟然可以咁大條道理咁謾罵劉鑾雄風流。[7]而李嘉欣喺錄音中嘅一句指罵劉鑾雄嘅說話「我真係恭喜你呀！」更成為香港網民借來諷刺嘅句子。
參考
[編輯]- ↑ 1.0 1.1 〈Beautify Life 李嘉欣 終身美麗〉。Jessica旭茉。2015-08-30。喺2019-10-02搵到。
{{cite web}}: CS1 maint: url-status (link) - ↑ 嘩嘩嘩!打到嚟! - 城中名人專訪 - 李嘉欣
- ↑ 女生日常, GirlStyle。〈李嘉欣31年前專訪稱演粗口角色會破壞形象？曾以粗口罵劉鑾雄原配寶詠琴，被氣病最恨李嘉欣？〉。《GirlStyle 女生日常》 (中文)。喺2022-04-19搵到。
- ↑ 网易 (2022-01-17)。〈李嘉欣当年爆粗口录音曝光，一代富豪刘銮雄被骂得完全没脾气〉。www.163.com。喺2022-04-19搵到。
- ↑ 〈李嘉欣当年爆粗口录音曝光，一代富豪刘銮雄被骂得完全没脾气（视频/组图） | 今日悉尼〉。www.sydneytoday.com。喺2022-04-19搵到。
- ↑ 〈洪欣親自演繹「我真係恭喜你」金句 網傳爆粗錄音多年慘被稱為「X女人」〉。Yahoo News (中文)。2024-08-27。喺2024-08-28搵到。
- ↑ shorturl.at/ckEFS
| 前任： 楊寶玲 (香港小姐) |
香港小姐冠軍 1988年 |
繼任： 陳法蓉 |
| 首任 | 國際華裔小姐競選冠軍 1988年 |
繼任： 黃美洁 |