朱褒

出自維基百科,自由嘅百科全書
Jump to navigation Jump to search
朱褒
蜀漢 官員
活躍時期 223年~225年
遞啲名

朱褒粵拼zyu1 bou1;?—?),係三國蜀漢嘅官員,做牂牁太守(又有記載話係做郡丞)。

劉備死後,南中四郡反叛,朱褒係其中一人。喺佢之前,益州大姓雍闓就已經反叛,受士燮引誘投靠咗東吳,將太守張裔交畀吳國,另外喺越巂亦有高定謀反,於是朱褒亦都喺牂牁反叛響應佢哋。

朱褒早就想反蜀。喺之前,益州從事常房來南中巡察,聽聞到朱褒有謀反嘅心,捉咗主簿是問,仲將佢斬頭。朱褒一嬲,殺咗常房,然後誣告常房謀反。諸葛亮爲咗懷柔朱褒,誅殺咗常房啲仔,流放佢四個細佬去越雋,想噉樣安撫朱褒。但朱褒無改到,喺之後就據郡謀反,響應雍闓叛亂。

初時諸葛亮因爲劉備嘅喪事,適宜招撫佢哋,於是唔討伐住,畀啲民衆休養生息先。因爲南中叛亂有東吳嘅支援,所以諸葛亮派鄧芝去吳國做外交,修復返蜀吳關係,最後令吳國中止對南中叛亂嘅支持。225年春三月,諸葛亮帶兵平定南中,當年秋天就冚曬南中四郡嘅所有叛亂,喺牂牁平定朱褒後,派馬忠做牂牁太守。

喺《三國演義》,寫話朱褒同高定、雍闓一齊反蜀。後來高定中咗諸葛亮嘅離間計,以爲朱褒害佢,於是去朱褒度問罪,朱褒唔知咩回事,唔出聲,畀高定部下鄂煥殺死,之後高定攞朱褒人頭去見諸葛亮。

參攷資料[編輯]

  • 陳壽(著);裴松之(注). "蜀書:黃李呂馬王張傳 — 馬忠傳". 《三國志》. 三年,亮入南,拜忠牂牁太守。郡丞朱褒反。叛亂之後,忠撫育恤理,甚有威惠。 
  • 陳壽(著);裴松之(注). "蜀書:後主傳". 《三國志》. 建興元年夏,臧柯太守朱褒擁郡反。〈魏氏春秋曰:初,益州從事常房行部,聞褒將有異志,收其主簿案問,殺之。褒怒,攻殺房,誣以謀反。諸葛亮誅房諸子,徙其四弟於越雋,欲以安之。褒猶不悛改,遂以郡叛應雍闓。臣松之案:以為房為褒所誣,執政所宜澄察,安有妄殺不辜以悅姦慝?斯殆妄矣!〉先是,益州郡有大姓雍闓反,流太守張裔於吳,據郡不賓,越巂夷王高定亦背叛。 
  • 司馬光. "卷七十". 《資治通鑑》. 初,益州郡耆帥雍闓殺太守正昂,因士燮以求附於吳,又執太守成都張裔以與吳,吳以闓為永昌太守。……牂柯太守朱褒、越巂夷王高定皆叛應闓。諸葛亮以新遭大喪,皆撫而不討,務農殖穀,閉關息民,民安食足而後用之。 
  • 常璩. "南中志". 《華陽國志》. 於是執送裔於吳。吳主孫權遙用闓為永昌太守;遣故劉璋子闡為益州刺史,處交、益州際。牂柯郡丞朱提朱褒領太守,恣睢,丞相諸葛亮以初遭大喪,未便加兵……