李時行（1514年—1569年），字少偕，廣東番禺人。係明朝一個進士。
李時行早年同吳旦幾個人人結成「粵山詩社」。嘉靖二十年（1541年）辛丑科沈坤榜第三甲賜同進士出身，被派去浙江嘉興做知縣。嘉靖二十四年（1545年），升做南京兵部車駕主事，但係被同僚所忌，冇耐就辭官。
辭官之後，李時行遍遊吳越、齊魯嘅名山大川，寄情詩酒。之後喺羅浮山青霞洞隱居，最後搬去廣州西郊。隆慶三年（1569年）逝世。
李時行同歐大任、黎民表、梁有譽、吳旦並稱「南園後五子」。著有《李駕部集》、《青霞漫稿》。《列朝詩集》有收錄三首佢嘅詩。
