林以諾

林以諾，香港親中派基督教界人士，香港阡陌社區浸信會前主任牧師暨飛躍網絡國際義務執行董事，香港著名基督新教福音派佈道者之一，同時亦係商業電台雷霆881《靜默的革命》、《大龍鳳》節目主持同多個講座講者。2017年5月1號，佢宣布提早喺阡陌社區浸信會退休，佢指因過去工作壓力大，導致出現失眠同患上驚恐症。2022年，佢創立香港首間元宇宙教會MeChurch。

政治立場同經歷

佢喺香港親中派人士。

因應佢嘅親中立場同言行，佢同陳世强、劉金勝、管浩鳴、許淑芬、梁燕城、張恩年、蔡志森、蘇穎智、盧龍光、陳歐陽桂芬喺2020年被門徒事工列入「基督教制裁名單」。門徒事工形容佢哋係長期協助極權政府打壓港人民主同人權嘅「賣港教賊」，要求各國政府對佢哋實施制裁懲罰。