蘇穎智
蘇穎智，香港親中派宗教界人士。曾經係中國基督教播道會恩福堂主任牧師、恩福聖經學院院長[1]。
家庭
[編輯]佢阿哥係蘇穎睿牧師，中國基督教播道會窩打老道山福音堂前主任牧師。
政治立場同經歷
[編輯]佢係香港親中派人士。2007年，佢曾經支持同屬親中派嘅梁美芬參選香港區議會選舉[1]。
香港反送中運動期間，佢喺2019年6月曾經因應過百萬人上街遊行要求撤回《逃犯條例》修訂，要求政府唔好漠視民意格硬送去二讀[2][3]。但喺同年7月14號到元朗堂講道嗰陣，又話《逃犯條例》修訂係政黨誤導激發社會衝突，又話警隊成為政府同市民之間磨心，導致士氣低落，但對警暴就隻字不提[4]。
因應佢嘅親中立場同言行，佢同陳世强、劉金勝、管浩鳴、許淑芬、林以諾、梁燕城、張恩年、蔡志森、盧龍光、陳歐陽桂芬喺2020年被門徒事工列入「基督教制裁名單」。門徒事工形容佢哋係長期協助極權政府打壓港人民主同人權嘅「賣港教賊」，要求各國政府對佢哋實施制裁懲罰[5]。
參考來源
[編輯]- ↑ 1.0 1.1 〈作為記錄——當年支持梁美芬這狗屁邏輯法學白痴的基督教內人士〉。
{{cite web}}: CS1 maint: url-status (link) - ↑ lumiere-app.com。〈【為香港禱告】反送中條例二讀爭議 香港最大教會牧師盼特首議員勿漠視百萬市民訴求〉。ct.org.tw (英文)。喺2023-01-31搵到。
- ↑ 林景輝 (2019-06-10)。〈【逃犯條例】陳茂波、梁美芬教會主任蘇穎智 勸喻林鄭叫停修例〉。《香港01》 (香港中文)。喺2023-01-31搵到。
- ↑ 門徒媒體 (2019-08-13)。〈[獨家錄音]蘇穎智撐警隊鎮暴：恩福堂歡迎警察〉。《門徒媒體》 (臺灣中文)。喺2023-01-31搵到。
- ↑ 門徒媒體 (2020-04-10)。〈「基督教制裁名單報告」致蔡英文總統 冀懲罰賣港教賊〉。《門徒媒體》 (臺灣中文)。喺2023-01-29搵到。