林天行
林天行(1963年[1] - )，原名林仚，喺福州出世[1]，香港親中陣營政治人、水墨畫畫家、香港美術家協會主席。
早年經歷
[編輯]佢1978年開始學畫，先後師從畫家吳國光、林光、陳挺、劉牧諸學中國畫同埋西洋畫[1]。
1984年，佢移居香港，繼續從事中國畫創作，喺香港畫壇活躍，1987年作品入選香港當代藝術雙年展[1]。
1989年，佢北上修讀中央美術學院中國畫系山水畫工作室[1]。
林天行曾經喺北京、香港、紐約等地舉辦過個人畫展[1]。
公職
[編輯]- 香港再出發大聯盟發起人[2][3]
- 香港美協會員[4]，主席[5]
- 中國文學藝術界聯合會全國委員會委員[6]
- 中國美術家協會理事[6]
- 中國文學藝術界聯合會香港會員總會會員[6]
- 香港藝術發展局審批員(藝術教育，文學藝術)[7]
政治參與同經歷
[編輯]林仚係香港親中陣營嘅支持者，曾經有份參與一份聯署，支持北京未經諮詢或香港人同意而強行訂立，惹起泛民主派一致負評嘅《香港國安法》[8][9][10]，但有關聯署之後被揭發做假，其中名單上嘅張寶華、徐熙媛、李巧靈同蔣志光之後死口唔認有份參與，而陳汝騫就一早與世長辭[11]。
喺2021年9月，佢經指定團體提名(中國文學藝術界聯合會香港會員總會有限公司)成為香港特别行政區選舉委員會體育、演藝、文化及出版界委員[12]。之後佢喺李家超無提政綱嘅情況下，有份提名李家超參與2022年香港行政長官選舉[13]。
外部連結
[編輯]參考
[編輯]- ↑ 1.0 1.1 1.2 1.3 1.4 1.5 〈賞畫｜藝術家林天行百尺巨構「香江四屏」寄深情〉。www.orangenews.hk。喺2024-06-15搵到。
- ↑ 〈組織架構 - 香港再出發大聯盟 - 官方網站〉。www.hkcoalition.com。喺2023-11-09搵到。
- ↑ 〈香港再出發大聯盟團結各界〉。www.takungpao.com.hk。喺2023-11-09搵到。
- ↑ 〈會員〉。香港美協 The Hong Kong Artists Association (美國英文)。喺2024-05-07搵到。
- ↑ 〈金紫荊全港兒童繪畫大賽頒獎典禮在港舉行〉。www.hkcna.hk。喺2024-06-12搵到。
- ↑ 6.0 6.1 6.2 〈會員 | 中國文聯及其所屬各全國文藝家協會香港會員名單〉。《中國文學藝術界聯合會香港會員總會》 (香港中文)。喺2024-06-12搵到。
- ↑ 〈審批員 | 香港藝術發展局 Hong Kong Arts Development Council〉。www.hkadc.org.hk (香港中文)。喺2024-06-12搵到。
- ↑ 〈文藝界2600人聯署支持立法 - 香港文匯報〉。paper.wenweipo.com。原著喺2021-05-22歸檔。喺2022-09-19搵到。
- ↑ 〈文化演藝界3千多人及團體表態支持國安法立法 - 雪花台湾〉。www.xuehua.tw。原著喺2022-09-20歸檔。喺2022-09-19搵到。
- ↑ 〈文化演藝界3千多人及團體表態支持國安法立法〉。www.bastillepost.com。2020-05-30。喺2024-11-26搵到。
- ↑ 〈成龍挺港版國安法 聯署聲明驚現死者名字 - 大紀元〉。《大紀元 www.epochtimes.com》 (繁體中文)。2020-06-01。喺2022-09-19搵到。
- ↑ 〈一文睇清1448名新選委全名單〉。《香港文匯網》 (中文)。喺2022-08-11搵到。
- ↑ 〈一文看清李家超786張提名〉。《信報網站 hkej.com》。喺2022-09-02搵到。