林良實

出自維基百科,自由嘅百科全書
跳去導覽 跳去搵嘢

林良實醫生(馬來話Ling Liong Sik1943年9月18號—)係馬來西亞政治人馬華公會第六任總會長、前馬來西亞交通部長。佢喺1988年做過馬來西亞過渡首相,都係當代馬來西亞最具影響力嘅華裔政治人之一。

年表[編輯]

黨職[編輯]

  • 1971年:加入馬華
  • 1984年:馬華黨爭爆發,屬陳群川派精英嘅林良實畀馬華中央委員會開除黨籍,第二年黨爭結束,佢返番馬華
  • 1986年:新泛電事件發生,陳群川主動辭職,由林良實接棒做馬華總會長
  • 1993年–2002年:連任總會長
  • 2003年:辭職

官職[編輯]

  • 1974年:當選馬打古晉國會議員
  • 1976年:出任地方政府及聯邦直轄區政務次長
  • 1978年:出任新聞部副部長
  • 1981年:出任財政部副部長
  • 1985年:出任教育部副部長
  • 1986年:出任交通部長

履歷[編輯]

林良實先後喺太平中學同埋吉隆坡皇家軍事學院讀書,1961年考入新加坡馬來亞大學,1966年攞到內外全科醫學士學位之後行醫。1971年加入馬華公會

1974​​、1978、1982年,一連三屆全國大選,當選檳城馬打古晉(Mata Kuching)國會議員,先後做過地方政府部政務次長,新聞部、財政部、教育部副部長。喺1986、1990、1995、1999年,一連四屆全國大選,當選柔佛州拉美士國會議員。

1986年1月6號開始出任交通部長,亦都喺嗰年9月3號出任馬華公會總會長,去到2003年5月為止。1988年2月4號接替馬哈迪,暫時做住過渡首相去到1988年2月16號。

事件[編輯]

俾納吉告誹謗[編輯]

睇埋:一個馬來西亞發展有限公司醜聞

2015年10月27號,時任馬來西亞首相納吉阿都拉薩入禀法庭起訴林良實誹謗。佢喺訴狀度指控林良實喺嗰年10月3號出席拉曼大學學院中文拉曼大學學院嘅活動期間,話佢濫用一個馬來西亞發展有限公司(1MDB)資金嘅誹謗言論,重登咗喺新聞網站[1]

呢單案係馬來西亞史上第一宗執政黨國陣阿頭告國陣成員黨嘅事件。

2018年5月22號,納吉撤回訴訟,而且同意支付25,000令吉嘅堂費[2]

個人榮譽[編輯]

1995年5月29號,美國北卡羅萊納州雲絲頓沙林中文溫斯頓-撒冷嘅市長瑪莎烏頒咗個榮譽市民獎畀喺美國度假嘅林良實。佢重喺頒獎典禮度送咗條鎖匙畀林良實,對佢喺教育領域嘅貢獻表達感激,同時向佢祝賀國陣喺1995年大選贏出。

個人觀點[編輯]

2015年10月3號,林良實出席喺吉隆坡文良港拉曼大學學院舉辦嘅第11屆馬來西亞腦力開發大會時認同前首相馬哈迪向首相納吉阿都拉薩施壓,要求納吉辭職落台嘅做法。佢表示,將一馬公司嘅錢匯入私人戶口係冇可能接受到嘅嘢(一個馬來西亞發展有限公司醜聞),納吉必須引咎辭職:「我同意馬哈迪嘅睇法,就噉將外來嘅錢過落佢銀行戶口,點可以噉?你贊成咩?」[3]

2016年2月18號,林良實出席一場活動記者會嘅時候形容,前首相馬哈迪唔係個輕易放棄嘅人,馬哈迪一旦相信某啲嘢,就會堅持到底。佢相信馬哈迪要首相納吉落台嘅行動唔會失敗,因為馬哈迪嘅睇法同神同調[4]

2018年11月3號,林良實出席喺雙溪龍拉曼大學嘅一項活動之後話,時任首相馬哈迪經驗豐富,馬哈迪領導嘅新政府,對人民、國家同政府都會好好。而且馬哈迪係好特別嘅人,而且少有,佢本身唔係呢種人,所以佢嘅任務就係支持馬哈迪[5]

評價[編輯]

馬哈迪評價[編輯]

2003年9月18號,時任首相馬哈迪喺首相官邸特別設宴歡送林良實嘅儀式上致詞時讚揚林良實出任內閣部長27年同埋交通部長時作出嘅貢獻。馬哈迪話,佢深深感激林良實嘅服務,重形容佢係「活躍同成功執行任務嘅部長」[6]

佢話,林良實最大貢獻係成功提升馬來西亞嘅港口,令馬來西亞港口成為世界超級貨櫃貨輪埋頭地點。馬哈迪亦都表示,以前馬來西亞港口每年淨係處理100萬個單位貨櫃,但係星加坡可以處理高達1200萬個貨櫃,林良實親自到場調查原因,今日(2003年),喺佢(林良實)嘅努力下,馬來西亞港口每年處理嘅貨櫃已經升到1000萬個單位,呢樣係佢交出嘅成績[6]

屋企[編輯]

參考[編輯]

  1. "入禀高庭要求赔偿 纳吉起诉林良实诽谤 中国报". 中国报 China Press (American English). 喺2021-09-28搵到.
  2. "纳吉今撤回起诉林良实诽谤诉讼 国内". 東方網 馬來西亞東方日報 (簡體中文). 2018-05-22. 喺2021-09-28搵到.
  3. "认同敦马就26亿献金看法 林良实:纳吉须辞职". 光华网 (American English). 喺2021-06-30搵到.
  4. "林良实形容敦马 反纳吉坚持到底 国内". 東方網 馬來西亞東方日報 (簡體中文). 2016-02-18. 喺2021-06-30搵到.
  5. "林良实:经验丰富 马哈迪领导对政府好". e南洋 (簡體中文). 2018-11-03. 喺2021-06-30搵到. {{cite news}}: line feed character in |title= at position 9 (help)
  6. 6.0 6.1 RITIKOS, JANE. "Glowing tribute to Ling". The Star (英文). 喺2021-09-28搵到.