果占

果占（「占」字讀zem1）係一種以生果同糖整成、杰撻撻嘅醬。果占嘅占係音譯英文 Jam（英文嘅果占）。果占杰撻撻係因為果膠（pectin），多數用嚟搽麵包或多士，常用嘅生果有士多啤梨、藍啤梨、橙、蘋果、紅加侖子、菇時啤梨、黑加侖子。而高糖份可以令果占躉得耐啲，唔易壞。

果占亦都叫果醬或生果醬。

整法

一般將切碎生果同相同重量嘅糖一齊煮，糖會因住啲生果嘅種類同埋生熟程度加多減少，用 104 ℃ 煮15 到 20 分鐘，煮嘢嘅熱力會整爛細胞壁，喺裏面嘅果膠流出嚟，同糖起化學反應，攤凍之後，pet 嘢就會變成杰撻撻、黐邋邋、一 pet pet 嘅醬，入落用滾水煠過嘅玻璃樽就搞掂。

以前好興響屋企整果占，而家多數都係喺街買，不過充斥市面嘅產品好多都有添加嘅果膠。

呢篇調味料文係楔位文。歡迎幫維基百科擴寫佢。