果敢

出自維基百科,自由嘅百科全書
Jump to navigation Jump to search

座標: 23°42′N 98°45′E / 23.700°N 98.750°E / 23.700; 98.750

果敢自治區
ကိုးကန့်
果敢嘅位置(淡橙色區域)
果敢嘅位置(淡橙色區域)

簡稱:果敢
舊名:麻栗壩、妥干、科干、多牛、獨牛、爪縣、馬利巴
經緯度 北緯23°42′″東經98°45′0″
緬甸 緬甸
轄下一級政區 1
轄下二級政區 4
領導委員會主席 趙德強
政府駐地 老街鳳麟城
總面積 2060 km²
人口
民族 果敢族 86.57%
崩龍族 7.27%
傈僳族 2.53%
苗族 1.45%
傣族 1.42%[1]
官方語言 果敢語(西南官話
時間
時區 東七區(UTC
識別信息
電話區號 +86 (0)883 (雲南臨滄)

果敢粵拼gwo2 gam2緬甸文ကိုးကန့်威式拼音Kuo-kan),先頭叫撣邦第一特區sin6 bong1 dai6 jat1 dak6 keoi1(撣讀善),而家係緬甸嘅一個自治區,首府老街。果敢東邊傍住中國雲南,南邊駁住佤邦。清朝嗰時係果敢縣,隸屬鎮康州,由土司楊氏世襲管治。1897年,由於《中英續議滇緬條約附款》嘅簽訂,果敢畀咗英國管。二戰之後殖民地獨立,果敢土司楊氏簽落《彬龍協議》,於是成咗緬甸嘅一個邦。1968年之後,緬甸共產黨控制包含果敢在內嘅東北地區。1989年,土司宗室彭家聲領導嘅果敢同盟軍成立,果敢脫離緬共,成立撣邦第一特區政府。1992年,楊、彭內訌,楊氏重新掌政。1995年,彭家聲爭返個政權。2009年,彭家聲被人趕趄;特區政府改組。2011年,果敢自治區成立。

果敢居民多數都係漢人,據講係永曆朝嘅南明遺民[2]。而家住喺緬甸北部嘅漢人被定作「果敢族」,有緬甸官方法定少數民族嘅地位。佢哋講嘅語言「果敢語」,實質就係漢語西南官話

[編輯]

「果敢」呢個名嘅由來有兩種講法:

  • 一、「果敢」係撣語:「果」(ကိုး)即係九;「敢」(ကန့်)即係人家,夾埋起身就係「九家人」(ကိုးကန့်)。據講,永曆十四年(1659年),南明君主朱由榔爲咗避過軍追殺,帶住人馬從雲南走難去緬甸;後來其中有九個家族嘅民衆留咗喺緬甸北部,成咗果敢族嘅先祖[2]
  • 二、「果敢」係清朝廷取中文嘅「果斷、勇敢」嘅意思同爾處命名。

[編輯]

前果敢時期[編輯]

漢朝係哀牢國領土,後嚟哀牢歸附東漢,呢笪地屬咗永昌郡

大理國時期,隸屬永昌府孟纏甸。

元朝嗰時係雲南省鎮康路、孟定路孟纏甸嘅一部份。

明朝,笪地先後屬鎮康土司孟定土司耿馬土司木邦土司[3][4][5]。1659年,南明永曆朝嘅君臣帶住大班漢人走難來雲南、緬甸北部。

果敢時期[編輯]

楊氏土司時期

南明永曆朝廷遷入雲南嘅,重有籍貫南京嘅楊高學,佢個孫楊獻才後來做咗興達戶(一個喺鎮康州木邦之間嘅部落)嘅阿頭。後來興達戶領土擴大咗,土酋楊有根重將「興達戶」改成「果敢」。1840年,清朝封土酋楊國華做世襲果敢縣土司[6][7][8]

1886年,英國佔領咗緬甸,並將緬甸北部嘅土司劃畀英屬印度管。英國又同清朝簽約,搞清一啲喺中緬邊境嘅土司歸屬。1897年《中英續議緬甸條約》簽訂,果敢劃入咗英屬印度[6][9],成咗木邦大土司轄下嘅細土司邦。

二戰之後,果敢同鄰近嘅土司邦獨立,果敢土司楊振材簽訂彬龍協議,同先頭喺英屬緬甸殖民地嘅其它各邦組成緬甸聯邦[1]。果敢獲大土司嘅地位,唔再隸屬木邦,但係就無得管治江西地區[1]。1959年,楊氏土司交權畀地方議會,結束咗二百幾年嘅統治[10]

楊氏統治時期君主一覽
粵拼 身份 任期
楊獻才 joeng4 hin3 coi4 世襲土酋 1739 ~ 1758
楊維興 joeng4 wai4 hing1 世襲土酋 1758 ~ 1797
楊有根 joeng4 jau5 gan1 世襲土酋 1797 ~ 1840
楊國華 joeng4 gwok3 waa4 世襲土司 1840 ~ 1874
楊國正 joeng4 gwok3 zing3 攝政土司茅扎 1874 ~ 1916
楊春榮 joeng4 ceon1 wing4 世襲土司茅扎 1916 ~ 1929
楊文炳 joeng4 man4 bing2 世襲土司茅扎 1929 ~ 1941
楊振材 joeng4 zan3 coi4 世襲印襲官
世襲土司茅扎
世襲土司坐把
1941 ~ 1959
註1:1797年 ~ 1808年,楊維仁(joeng4 wai4 jan4)輔助楊有根行政。
註2:1840年 ~ 1845年,楊有泮(joeng4 jau5 pun3)輔助楊國華行政。
註3:1943年 ~ 1945年,楊文燦(joeng4 man4 caan3)代理楊文炳行政。
參考:魯成旺《果敢志》
緬共時期

後土司時期,果敢地區七國咁亂。1963年,原果敢土司楊振材畀緬甸奈溫政府捉咗,宗室楊振聲即刻整支軍隊同政府搏過,無打贏。原先反奈溫政府嘅戰爭亦逐漸變質成咗果敢內戰。1968年之後,有中國共產黨撐住嘅緬甸共產黨吸收咗緬甸東北山區嘅少數民族武裝,控制住緬甸東北邊境地區,包括果敢大部分領土。

撣邦第一特區

1989年,果敢脫離緬共並同緬甸政府停戰,3月11號,緬甸民族民主同盟軍(亦叫「果敢同盟軍」)同撣邦第一特區政府成立。特區有自己嘅兵力同獨立嘅內政、軍事、財政等權力。緬甸中央政府重係派咗啲人駐果敢。

1992年,楊氏發動政變,扳走特區主席彭家聲。1995年,彭家聲攞返果敢政權。

2002年,彭家聲提出要禁毒,唔畀人種aang1

2009年8月8號,特區軍隊同緬甸軍隊發生武裝衝突。8月25號,果敢同盟軍原副司令白所成發動政變,彭家聲又試被扳趄;特區政府改組,白所成做果敢地區臨時管理委員會主席[11]

自治區

2011年3月,果敢自治區成立。同年年底,自治區同中國雲南臨滄市鎮康縣諗住夾份開闢125國際工業區

2012年,果敢自治區作政區調整:自治區下轄一縣老街縣,縣下轄4區28鄉社277村[1]

2015年2月9號,果敢同盟軍想攞返個政權,同緬甸政府軍再起衝突[12]

政區[編輯]

2012年,果敢自治區政區調整,自治區直轄一縣[1]

  • 老街縣(轄2區2分區)
    • 老街區(轄7鄉3社區)
      • 芒羅鄉
      • 芒東壩鄉
      • 道水鄉
      • 石園子鄉
      • 田壩塞鄉
      • 楂子樹鄉
      • 大水塘鄉
      • 老街一社區
      • 老街二社區
      • 老街三社區
    • 拱掌區(轄4鄉3社區)
      • 拱掌鄉
      • 新平街鄉
      • 蘭皮林鄉
      • 小街鄉
      • 拱掌一社區
      • 拱掌二社區
      • 拱掌三社區
    • 慕泰分區(轄4鄉3社區)
      • 紅岩鄉
      • 棉花林鄉
      • 崇崗鄉
      • 杏塘鄉
      • 慕泰一社區
      • 慕泰二社區
      • 慕泰三社區
    • 清水河分區(轄1鄉3社區)
      • 龍塘鄉
      • 清水河一社區
      • 清水河二社區
      • 清水河三社區

另外,緬甸政府軍控制嘅滾弄江東地區轄一區[1]

  • 滾弄區(轄6鄉1鎮)
    • 南湖鄉
    • 貢介鄉
    • 小地林鄉
    • 芒卡鄉
    • 黑河鄉
    • 董潔鄉
    • 滾弄鎮

果敢地區原先包埋勐古縣。1995年8月,勐古縣縣長孟薩拉作反,脫離果敢統治。

[編輯]

  1. 1.0 1.1 1.2 1.3 1.4 1.5 魯成旺 (2012). 《果敢志》. 香港: 天馬出版. ISBN 9789624502084. 
  2. 2.0 2.1 "深度:淺談果敢地區的前世今生 中國應堅持國家利益". 新浪軍事. 2015年3月20號. 喺2016年2月3號搵到. 
  3. 魯成旺 (1994). 永德縣誌. 雲南人民出版社. ISBN 7-222-01630-9. 
  4. 雲南省鎮康縣誌編纂委員會 (1992). 蕭德虎, 編. 鎮康縣誌. 四川民族出版社. 
  5. 譚其驤 (1996). 中國歷史地圖集. 中國地圖出版社.  ISBN 7-980013-01-8/K‧01
  6. 6.0 6.1 "臨滄大事紀(清朝部份)". 臨滄市政府公眾信息網. 2006年3月. 
  7. 王士錄 (2005年第5期). 緬甸的果敢族:族稱、來歷、狀況及跨國互動. 《世界民族》.  檢查日期值喺: |date= (詳情)
  8. 中國西南邊疆變遷史. 雲南教育出版社. 1987. 第 第283頁頁. 
  9. "二十載春風化雨,教中文癡心不改——記緬甸中文老師羅星竹". 中國華文教育網刊載資料. 2008年4月25號. 
  10. "Kokang". Royal Ark. 
  11. "獨家專訪:果敢臨時領導人白所成否認叛變". 鳳凰衛視. 2009年9月4號. 
  12. "外媒:緬甸果敢武裝盼中國幫助 疑從中方獲武器". 中華網. 2015年3月6號. 喺2016年2月4號搵到.