某日某月

《某日某月》（英文：When Sun Meets Moon）係2018年上畫嘅港產片，由原島大地、湯怡主演，劉偉恆執導。故仔講1992年一對學生情侶嘅純真愛情。

套戲開拍嗰陣，初頭叫《聖士提反》，諗住用赤柱聖士提反書院做背景，但最後校方唔批，所以將背景改做赤柱一間虛構學校（實景喺清水灣香港復臨學校拍），戲名一度改叫《日月星》，最後上畫之前改用而家個名。

套戲刻意加入好多1990年代嘅元素，譬如Yes! 閃卡、傳呼機、橙色電話亭、紅色郵筒，甚至借到部中巴巴士同埋巴士站牌去拍。插曲用咗張學友嘅經典作品《還是覺得你最好》。