桂名揚

出自維基百科,自由嘅百科全書
Jump to navigation Jump to search

桂名揚1902年1958年6月15號),本名桂銘揚廣東南海人,省港著名粵劇演員,人稱「金牌小武」。首本戲《趙子龍》、《火燒阿房宮》、《皇姑嫁何人》、《狄青三取珍珠旗》、《冷面皇夫》、《冰山火線》。桂氏時常武戲文做,仲首創「鑼邊花」。技藝自成一派,學界稱爲「桂派」。門下弟子有梁蔭棠盧海天

生平[編輯]

桂名揚11歲就拜「優天影」班嘅男花旦潘漢池為師,後尾跟住崩牙成南洋做大戲,做小武。由南洋翻來之後,入「真相」劇社,宣傳革命。省港大罷工嗰時,入「重樂樂」劇社,同工人義演籌錢。又入「大羅天」劇團做三幫小武,跟馬師曾曾三多靚少華陳非儂學藝。「大羅天」散班,去美國三藩市登台演趙子龍,睇到啲觀眾歡喜,仲攞埋金牌,所以佢有個朵叫「金牌小武」。由美國翻來,組「日月星」劇團,同陳錦棠廖俠懷李翠芳鍾卓芳拍檔。 40年代尾,喺香港同馬師曾、紅線女馮鏡華石燕子組「大三元」劇團;收尾又同廖俠懷、白玉堂羅麗娟鄭碧影、石燕子組「寶豐」劇團,做文武生。1952年,喺省城演咗一個月,入「紅星」劇團, 同衛少芳譚玉真朱少秋綠衣郎拍檔。後來兩隻耳都聾嗮,就無再做戲。 1957年10月,入廣東粵劇團做藝術指導[1]

參考[編輯]

  1. "桂名揚". 中國粵劇網. 

連出去[編輯]