森理世

出自維基百科,自由嘅百科全書
跳去: 定向搵嘢

森理世森 理世 Mori Riyo?1986年12月24號—),係日本靜岡縣靜岡市(即而家同市嘅葵區)人。渠係一位職業模特兒兼芭蕾舞蹈家,曾經2007年度世界環球小姐冠軍。

森理世個亞媽森育子響靜岡市開咗間舞蹈學校,渠自幼受母親影響,年僅4歲就認得日日練舞啦[1],立志成為一位舞蹈家。渠喺靜岡葵區嘅常葉學園大學教育部附屬橘小學肆業之後,入讀咗常葉學園中學,畢業後又入咗常葉學園高校[2]但係未讀完。響2003年渠就自費去咗加拿大安大略省一間中學攻讀好咗英文,又響課餘時間報讀咗一間芭蕾舞學校嘅芭蕾舞教師課程。[3]

2005年返日本之後,渠先響2007年3月挪到日本環姐冠軍[4],同年5月28日去墨西哥坎昆角逐世界環球小姐總決賽,決賽響墨西哥城舉行,渠以大熱門姿態進入,終於取得冠軍,特別喺裝束比賽所有評委都畀咗渠全場最高分。最後由上屆個冠軍波多黎各環姐為渠戴上閃閃發靚嘅鑲鑽珍珠后冠[5][6]

森理世係自1956年兒島明子以後,第2位獲得環球小姐桂冠嘅日本女性[7],亦係歷史上第9位獲此殊榮嘅亞洲佳麗。2006年日本環姐知花酷喇喇(知花くらら)小姐只攞到亞軍同世界環姐失之交臂,所以時隔一年森小姐奪得桂冠可謂「更上咗一層樓」。

環姐獎品[編輯]

嗰頂鑲鑽石同埋珍珠嘅桂冠市值係25萬美金,渠係由日本Mikimoto飾品公司ミキモト)製造嘅。當年環姐可以戴渠一年,卸任後由大會收返,畀一頂複製冠渠(市值大約2万美金)作為紀念品。此外,當年環姐可以免費響紐約市一間雅柏文(apartment)度住一年,所有皮費由大會出晒。

勝出者重會得到價值三萬美金左右嘅高級時裝,紐約一間電影學校兩年內有效嘅十萬美金獎學金,一年護發、護膚品贊助,NINA皮靴贊助,デニム一式,同埋啲水晶飾品。

一則趣聞[編輯]

比賽後森理世回憶自己童年時話,渠阿嫲不時同人講個孫女好靚,希望渠響20歲之前就挪到「日本小姐」冠軍,畀咗渠好多自信,卒之能夠如願[7]

注釋同埋參照[編輯]

  1. 日本《每日新聞》2007年3月23號報導 - "Japan's Miss Universe candidate snares top spot in entertainment news"
  2. 哩度之所謂:常葉學園中學、常葉學園高校其實係靜岡市同一間學校嘅初中部同埋高中部,就算係嗰啲圖書館、課室、宿部都係響度共用緊嘅。
  3. 2007嘅環球小姐森理世話:崇尚大自然,心情好就會靚,新浪新聞中心,2007年6月1號。
  4. (日文)日本環球小姐官方網頁,2007年6月7日驗證。
  5. 2007“環球小姐”揭曉 日本小姐森理世奪冠,鳳凰網,2007年5月29號。
  6. (日文)なでしこ48年ぶり!決勝満票でミス·ユニバースに森理世さん,sanspo.com,2007年5月30號。
  7. 7.0 7.1 日本佳麗森理世獲選「環球小姐」,BBC中文網,2007年5月29日。

出面網頁[編輯]