楊弦

出自維基百科,自由嘅百科全書
Jump to navigation Jump to search

楊弦1950年11月2號—)係臺灣嘅民謠歌手,花蓮縣人,阿媽係會計,阿爸擔任國民黨花蓮縣黨部主任委員,喺楊弦四歲時過身。阿爸死咗之後移居臺北同阿媽一齊住。

大學時代進入臺灣大學農化系,喺參加合唱團嘅過程中,開啟對音樂嘅興趣。後來楊弦自己買樂譜結他嚟自學自唱。重喺臺大海洋研究所讀研究生,休息時會到哥倫比亞咖啡廳睇胡德夫等人嘅演唱,重有陣時會上臺唱啲英文歌。

民歌運動嘅推手[編輯]

1970年代,正逢台灣國際地位低落之際,退出聯合國,中美斷交。而島內青年學子,依舊迷戀西洋文化唔可自拔。喺這樣嘅情愫下,一股對自我文化反思嘅聲浪漸漸漫佈。厭倦咗「風花雪月」嘅國語流行歌曲,同非自身文化嘅西洋歌曲後,楊弦開始嘗試創作唔同過往嘅歌謠。佢以余光中嘅詩作〈鄉愁四韻〉為詞,為之譜曲,1974年夏天時,喺胡德夫嘅個人演唱會上發表。用吉他配合鋼琴同小提琴嘅方式來演奏,並邀請咗余光中至現場觀賞。余光中對楊弦大膽嘅嘗試相當滿意。喺受到余氏嘅激勵同肯許下,楊弦將余光中詩集《白玉苦瓜》中其他嘅詩作,繼續用「以詩入歌」的方式譜曲。1975年6月6號,喺台北中山堂,以「現代民謠創作演唱會」嘅名義開唱。前半場演唱英文歌曲,後半場則是以余光中嘅詩歌作為主軸。共計九首余光中詩作,經過譜曲後都收入進楊弦首張專輯《中國現代民歌集》內。呢張專輯被公認係第一張有資格稱作「民歌」嘅專輯。首版三萬張,喺一個月內銷售一空,四個月內再版三次,足可見楊弦這場演唱會嘅影響力。

楊弦嘅作品風格,既帶有中國傳統藝術嘅氣息,也吸收咗美國民謠同鄉村歌曲嘅元素,呢喺1970年代嘅台灣係前所未見嘅創作形式。也因為跳脫咗既有嘅民謠創作模式,楊弦同余光中嘅作法,引起咗傳統音樂學院派人士嘅非議,展開咗當時台灣鄉土文學論戰之外,另一場對「中國現代民歌」嘅論戰。呢種情況,喺1976年,楊弦附中時期嘅同屆同學,亦同係哥倫比亞咖啡廳文藝班底嘅李雙澤,高呼「唱自己的歌」之後,正式進入咗校園民歌嘅時代。正當民歌運動如火如荼嘅展開時,被譽為「現代民歌之父」嘅楊弦,喺1977年發行咗第二張個人專輯《西出陽關》,開咗兩場「暫別」演唱會,就離開咗流行音樂市場,赴美進修中醫。

後續發展[編輯]

1982年,楊弦老母過身,佢就移居美國,用四年時間攻讀舊金山針灸大學東方醫學博士學位,並自己開創咗「寶生」健康食品公司,擔任總裁。

喺發行完《西出陽關》後,楊弦唔再把音樂創作當成生命最大的目標,而係閒暇有感時一種抒發的管道。像係天安門事件後,楊弦寫咗一系列嘅歌,如《媽媽我們都是為了您》、《媽媽我餓了》、《抗暴謠》等,展現出自己的想法。2002年、2004年同2005年,喺臺北嘅民歌演唱會上,都見到楊弦登臺嘅身影。2008年9月26號,係余光中祝壽嘅「詩與歌的迴旋曲-慶祝詩人余光中八十大壽民歌演唱會」中,楊弦同民歌時期諸位大將:李建復包美聖蘇來等人,皆出場獻唱,對民歌運動嘅啟蒙同催生者致敬。

[編輯]