楓園上
楓園上，亦叫七星莊、劉家村，喺帽峰山北麓嘅九佛片丘陵地帶，係屬廣州市黃埔區九佛街道楓下行政村管嘅村。楓園上佔地2.6km²，有鳳凰河流經。清代屬番禺縣慕德里司[1]，1960年屬廣州市郊區九佛公社新風大隊，1984年屬白雲區九佛公社楓下大隊，1986年屬白雲區九佛鎮楓下村，2004年6月屬白雲區鐘落潭鎮九佛片楓下村，2005年8月屬蘿崗區九龍鎮楓下村。2015年9月開始屬黃埔區九龍鎮楓下村[2]，2019年4月18號改屬黃埔區九佛街道[3]。楓園上村村民姓劉，始祖喺宋代由福建城遷出，經南雄、興寧、新會，遷入楓園上。2015年年尾，戶籍人口約莫500，實有戶籍居住人口約莫1200。居民都係漢族，屬廣府民系[2]。