榮華樓 (廣州)

出自維基百科,自由嘅百科全書
Jump to navigation Jump to search
搞清楚 呢篇嘢講嘅係廣州荔灣嘅榮華樓。
榮華樓
廣州市歷史建築
WingWaaLau.jpg
喺邊 廣州市荔灣區
登錄 2016年11月16號

榮華樓(注意「華」字有變音,粵拼wing4 waa2 lau4)係中國廣東省廣州市嘅一間好出名嘅老字號酒樓,喺荔灣區龍津東路708—712號,龍錦大廈對面。呢間酒樓喺1876年開業,雖然話佢係廣州入面比較少見到超過1個世紀都重響度嘅其中一間老字號茶樓,但佢唔係文物保護單位。呢間酒樓比而家有嘅老字號酒樓——蓮香樓陶陶居重要開得早。

[編輯]

呢間酒樓最先喺1876年嘅西關地區,龍津東路嗰邊開業,嗰時間樓重係一棟磚木結構嘅樓。到咗1936年嘅榮華樓60週年慶典嗰陣,就改成2層高嘅鋼筋石屎樓宇;中華人民共和國建立政權後嘅1956年2月,因為當局嘅公私合營而被充公。喺1960—1968年(尤其係文革時期嘅破四舊嗰陣)試過2樓嗰邊唔開,就搞咗西區商業局飲食服務管理部嘅辦公地區,嗰時凈係得返地下嗰邊搞茶飯市。而文革時期,呢間舖頭都裝修咗好幾次,搞到之前古色古香嘅風格都冇咗,變成係新時代嘅裝飾。嗰時嘅榮華茶樓,四邊牆都髹咗白色,而地下大廳同2樓都擺嗮大圓台,而方台係屬於散座,甚至唔整卡位嚟搞到個廳好大、好光、甚至係空氣流通噉。到咗1978年,榮華樓恢復咗生產佢哋嘅傳統月餅,重搞咗「榮華富貴月」出嚟而俾街坊歡迎咗佢。

到咗1983年,榮華樓又重新調整咗廳堂嘅佈置,重恢復咗宵夜夜市(21:00—00:00)。而經營方面都搞咗好多唔同嘅嘢出嚟,價錢都好平,有好多種燒賣同煲仔系列、生滾粥品、各式小炒等,重恢復咗「問位點茶」,所以生意好旺。1985年就整大咗個二樓橫廳,就將原嚟放雜物嘅空木樓改成廳房(而家嘅牡丹廳)嘅同時重加開咗間餅屋。

喺1993年,榮華樓再裝修,從之前嘅2層樓加到4層樓,重整咗10幾間有冷氣卡拉OK嘅廳房出嚟。到咗1994年1月23號,榮華樓重新開業。

2013年8月26號突然停業,嗰時唔少市民估佢係執笠。卒之喺2014年1月份重新開返。

2015年8月20號,消失咗2年嘅粵曲喺榮華樓重新出現返,但位置變咗喺酒樓嘅3樓[1]

2016年11月16號,廣州市人民政府正式宣佈將呢間嘢列為歷史建築[2]

[編輯]

  1. "百年老字号荣华楼再闻粤曲声". 羊城晚报 (A11版). 2015-08-21. (原先內容喺2015-08-21歸檔). 喺2015-08-22搵到. 
  2. "荣华楼入围历史建筑". 廣州日報. 2016-11-16. 

[編輯]