正佳廣場

正佳廣場正面

正佳廣場係南中國最繁華嘅商業聖地，亦都係依家廣州城市中軸線核心嘅地方。呢間廣場喺廣東省廣州市天河區體育東路同埋天河路嘅交界，附近唔係幾遠就係宏城廣場同埋天河城廣場。廣場由美國著名嘅購物中心專業設計公司捷迪設計師事務所同埋廣州設計院一齊合作嚟起呢間噉嘅建築。佢都係亞洲嘅頂級休閒購物天堂。喺2011年8月13號，呢間廣場重畀中國旅遊景區品質等級評定委員會批准咗，係國家AAAA級旅遊景區。

佔地面積

• 佔地面積：57000平方米
• 總建築面積420000平方米，總投資40億元人民幣。
  • 購物中心面積300000平方米，地上7層，地下2層半；
  • 西塔樓係48層樓高嘅超五星級酒店；
  • 東塔樓係25層超甲級寫字樓
• 車位一共1500個。

介紹

呢個廣場係中國而家最大嘅完全貫徹「體驗式消費」模式、集零售、休閒、娛樂、餐飲、會展、康體、旅遊同埋商務喺埋一齊嘅現代化購物中心。佢係有率先引入世界先進嘅體驗經濟模式，將購物同埋「體驗」溝埋一齊，重係以超前三十年嘅商業規劃，成就咗「亞洲第一個體驗式購物樂園」嘅地位，成為同拉斯維加斯、紐約第五街，東京銀座喺埋一齊體驗嘅經濟巨人。依家係世界第五、亞洲第一購物中心嘅典範。

正佳廣場可以畀好多人同場同時消費，每年至少吸引世界各地200萬個遊客到呢度，其中珠三角同埋港澳、境外旅遊團體起碼霸咗超過45%，其中主力消費層嘅年齡大多數分佈喺3到60歲範圍，佢係新時代家庭、東南亞旅遊團體成日嚟呢度玩嘅最佳休閒場所。呢間嘢係以世界級商業中心攞成定位，設施配套嚟引領潮流。

入面有乜嘢

• 高七米嘅7000平方米園林生態中庭
• 廣州風情博物館
• 超五星級國際電影城
• 10000平方米大型室內主題樂園、
• 大型室內真冰嘅滑冰場
• 環球「兒童反鬥城」
• 室內水族館
• 水文瀑布噴泉世界
• 近廿家餐廳嘅超大型美食廣場

社會效益

呢間廣場喺2003年9月12號開始招商到依家為止，就引起咗各界嘅重大關注，尤其係東南亞、港澳、江浙同埋珠三角附近嘅地投資佬成日嚟正佳嗰度霸位，有成千間國內外嘅品牌客戶都先後同正佳廣場一齊合作，到咗2005年1月15號正式開業之前，成間廣場嘅招商已經達到90%，重創造咗喺10個月入面，成功招商800幾家、日日都廿幾家商鋪開門嘅業界奇跡。喺廣場開業之後，嗰啲客流量就開始唔停咁越嚟越多，尤其係五一黃金周嘅第一日，就有1130000嘅客流高峰，而且每間主力店鋪嘅銷售都有大幅增長。而呢間廣場重有埋中國商業零售試點單位、國務院特批國際貿易區、廣州最大CEPA零關稅貿易區同埋廣東省旅遊定點專案等多項榮譽。

附近嘅車站

直通地鐵一號線同埋三號線交匯站，有56部唔同嘅巴士線路經過呢個站，重有廣州火車東站、珠三角城市輕軌網路，廣州新機場巴士、華南屋村巴士同埋港澳直通巴士上落站，佢係華南最大交匯點嘅地方。