殷敏鴻

殷敏鴻（1978年—）係中國社會運動人士，來自湖南株洲。佢係退伍軍人，活躍於保釣運動。

1978年，殷喺株洲農村出世。中專畢業後當兵，喺陸軍服役3年，退伍之後喺長沙讀大學。2003年開始參加保釣運動。2004年3月24號，佢同另外6個人一齊登陸釣魚台，俾日本差人捉晒。

佢認為中國國旗同國徽政治色彩太濃，應該要改，並批評中國共產黨同中國政府篡改國旗嘅象徵意義。

告外交部

外交部覆函拒絕殷敏鴻嘅申請

睇埋：唐努烏梁海、中國領土爭議同中俄關係

2017年8月，殷向外交部查詢，中華人民共和國政府有冇同蘇聯、俄羅斯、蒙古國就唐努烏梁海地區簽訂條約，如果有就公開。9月，外交部覆函畀佢，話佢問著國家機密，冇得公開。佢不滿回覆，喺2018年3月7號入禀北京市第三中級人民法院，要求法院頒令外交部撤銷原來嘅覆函並公開資料。法院唔受理。佢再向北京市高級人民法院上訴。9月10號，京高院駁回上訴，繼續唔受理。