殺必死

殺必死（粵拼：saat3 bit1 sei2；日文：ファンサービス^(fansābisu)；英文：fan service）係源自日文「サービス」（日羅：sabbisu，「service」）嘅詞彙。呢個詞指製作者喺製作一隻遊戲嗰時，加入一啲對隻遊戲嘅遊戲性同故仔等無關痛癢，加嚟純粹係為咗氹 fan 史開心嘅元素，例如係好多遊戲都有嘅泳裝畫面噉：泳裝畫面通常根本不必要，對個故仔嚟講亦都完全冇用，但好多時，生得靚仔靚女嘅遊戲角色著住泳裝嘅畫面會令好多 fan 史開心。