民眾聯席

民眾聯席（Citizens Alliance），係香港一個激進建制派組織，定位係跨界別、跨專業、跨年齡嘅民間建設力量聯盟，旗下設有YouTube頻道港理台。

主要人物

• 召集人：趙麗娟
• 理事：林勁放、伍志華
• 其他主要成員：劉方、關品方
• 已退出成員：姚潔凝

政治立場

民眾聯席係激進建制派組織，曾經高調支持北京未經諮詢或香港人同意，但畀歐美列強同埋香港泛民主派反對嘅《香港國家安全法》，並形容佢哋係香港局勢嘅「標靶藥」、「及時雨」，表示要阻止極端思想入侵校園，又指泛民主派製造香港人對國安法嘅疑慮同埋仇中情緒。

喺香港武肺疫情初期，有醫護人員因為要求政府封關阻止疫情散播而進行工業行動，民眾聯席亦連同香港政研會開記招聲討，並得到新民黨立法會議員葉劉淑儀幫手，佢哋聲稱有病人因為罷工而失救，但記者問到進一步資料，佢哋就未能提供。佢哋又主張強制全民檢測，又提議介定接受檢測者係「好市民」，佢哋先可以優先受惠於政府嘅派錢同埋紓困措施。

佢哋不時進行活動，都會得到其他建制派人士參加，例如馬恩國、何君堯同埋李梓敬等等。