氣窿

番茄葉上氣窿

氣窿、氣孔（粵拼：hei3 lung1），啲窿生喺草木啲葉上，同外界交換氣體同水，兩邊有保衞細胞圍住，靠脹縮開閂。主要為咗光合作用而設。

好似藻類咁浸喺水，唔使有氣窿。但植物一上水，就要控制水分散失，就有窿開合。至初有苔蘚，有時浸時乾環境，有水陸兩棲，就發展出氣孔。

雙子葉植物，孔開喺葉底，嗰處涼啲。單子葉植物呢，就兩面都好平均。而水生植物，就開喺上面。乾而缺水，咁就會日頭唔開，會用另一啲化學途徑。夜晚涼先開窿，收集二氣化碳，日頭完成埋光合作用。

名

英文取自拉丁文stoma，單數寫法。眾數寫stomata。