氣霧

出自維基百科,自由嘅百科全書
Jump to navigation Jump to search
霧同雲都係氣霧嘅一種來嘅。

氣霧粵拼hei3 mou6)(英文Aerosol),又叫氣溶膠粵拼hei6 jyong4 gaao1),係指固態或者液態微粒懸浮喺氣體介質度形成嘅分散體系。講到疾病可透過空氣傳播(英文Airborne Transmossion)陣,載體就係氣霧,亦叫做生物性氣霧英文Bioaerosol)。

特性[編輯]

氣霧嘅液體或固體顆粒嘅直徑,通常係細過1μm。大啲嘅以特定速度沉降顆粒就會形成懸浮液(英文suspension),但係區分唔係好明確。氣霧以霧化過程(英文aerosol generating procedure)產生陣,霧化嘅懸浮物可飄浮遠達10米。一般喺醫療場所度,有啲霧氣生成嘅係似吸痰、插喉管、支氣管鏡檢查、使用呼吸機呢啲操作,而引到喺空氣中有疾病傳播嘅風險;而日常嘅打邊爐、焗桑拿或用熨斗呢啲情況,專家就話唔會有霧化致空氣傳播嘅風險。[1]

分類[編輯]

氣霧分咗做自然源同人為源,自然源包括天然氣霧,例如海鹽火山灰同埋生物氣霧例如微生物氣霧。人為源包括人為排放嘅氣霧,例如硫酸鹽、黑,通常會搞到空氣污染嚴重咗。

影響[編輯]

氣霧會吸或者放大氣輻射,另外亦都會影響嘅性質,影響地球嘅氣候

應用[編輯]

氣霧可以專登製成氣霧劑,喺農藥,呼吸系統病嘅醫治同燃燒技術度應用。氣霧喺科學研究度,就涵蓋咗氣霧嘅產生同去除、氣霧嘅技術應用、氣霧對環境同人類嘅影響同其他一啲嘅主題。

[編輯]

  1. 【武漢肺炎】打邊爐產生氣溶膠效應? 醫學教授揭開空氣傳播疑團 HK01