水晶男孩

水晶男孩 SECHSKIES
（左起）殷志源、金在德、張水院、李宰鎮
組合
原文名	젝스키스
英文名	SECHSKIES
花名	Sechky／Jekki（젝키）、6Kies
國籍	韓國
職業	歌手、舞者、演員、音樂製作人、主持人
語言	韓文、日文、英文、中文
音樂類	K-pop、J-pop、舞曲
出道地	韓國首爾（1997年） 日本東京（2017年）
出道日期	韓國 1997年4月15號 (1997-04-15) 日本 2017年7月19號 (2017-07-19)
出道作品	韓國〈學園別曲〉 日本《THE 20TH ANNIVERSARY》
活躍年代	1997年－2000年、2016年至今
唱片公司	韓國： Daeyoung AV（1997年－2000年） Genie音樂（2016年－2018年） YG PLUS（2019年至今） 臺灣： 滾石唱片（1999年－2000年） 華納音樂（2016年至今） 日本： YGEX（2017年至今）
經紀公司	Daesung企劃→DSP娛樂（1997年－2000年） YG娛樂（2016年至今）
網站	水晶男孩韓國官方網站 水晶男孩日本官方網站
相關團體	J-Walk、HOT.Sech.god.RG
現任成員
殷志源 ‧ 李宰鎮 ‧ 金在德 ‧ 張水院
前任成員
姜成勳 ‧ 高志鎔

水晶男孩（韓文：젝스키스，英文：SECHSKIES）係南韓Daesung企劃推出嘅男子歌唱組合，係韓國第一代男團，響1997年以大碟《學園別曲》出道，當時嘅成員包括殷志源、李宰鎮、金在德、姜成勳、高志鎔、張水院，隊長係殷志源。團名嚟自德文「Sechs kies」，即係六舊水晶咁解，象徵住可以左右命運。

史

1996年，Daesung企劃本身諗住推出一個全新二人組合，於是揾嚟殷志源同姜成勳成為旗下練習生。但響同年SM娛樂推出嘅5人男團H.O.T大獲成功，Daesung企劃社長李皓延決定成立一支多人男團同H.O.T抗衡，於是後嚟陸陸續續揾嚟其他成員李宰鎮、金在德、高志鎔、張水院，至此水晶男孩正式成立，並響1997年5月14號以大碟《學園別曲》出道。

水晶男孩一出道就收獲巨大人氣，出道大碟《學園別曲》收錄歌《男兒之路（品生品死）》同埋同名主打歌《學園別曲》分別獲得第8屆首爾歌謠大賞本賞同埋第12屆大韓民國影像唱片大賞本賞。之後憑籍《Welcome To The Sechskies Land》、《Road Fighter》、《Special》、《Com' Back》攞下多個音樂節目一位，並先後獲得第13屆同14屆大韓民國影像唱片大賞本賞、第9屆同第10屆首爾歌謠大賞年度大賞、趁住人氣未卻，水晶男隊積極向其他地方發展，1999年先後到臺灣同北韓平壤開演唱會，係史上第一隊到朝鮮表演嘅韓國團體。

當時水晶男孩嘅聲勢如日中天，被視為係H.O.T.最大嘅對手，兩隊並稱90年代後期韓國樂壇兩大山脈之一。而兩隊fans亦時有磨擦。

2000年5月18號，水晶男孩響首爾洲際酒店召開記者會宣佈解散。由於當時水晶男孩紅透半邊天，加上事出突然，唔少fans無法接受，外界亦都唔明白點解要解散。DSP娛樂響5月31號為水晶男孩發行告別專輯《Blue Note》。解散後成員都向唔同方向發展。 直至2016年5月11號，宣佈除咗目前專注生意發展嘅高志鎔之外，其餘五位成員都同YG娛樂簽團體約，正式以「水晶男孩」呢個名重新活動，並響同年以單曲《THREE WORDS》復出。

2017年1月13號，水晶男孩響第31屆金唱片獎獲到「最佳男子表演獎」。1月19號，水晶男孩憑《THREE WORDS》獲得首爾歌謠大賞本賞；2月22號，水晶男孩響第6屆Gaon Chart K-POP大獎獲得「K-POP貢獻獎」。同年9月21號，水晶男孩發行第五張正規專輯《ANOTHER LIGHT》，係水晶男孩時隔18年嚟再度推出專輯。

2019年1月1號，成員姜成勳宣佈退出水晶男孩，並且唔再係YG旗下嘅藝人。水晶男孩自此以四人體制活動。

2020年，水晶男孩推出二十二年嚟第一張EP《ALL FOR YOU》。

成員

本名				出世日期同埋出世地	隊內擔當	分隊
中文	韓文	日文	英文
現任成員
殷志源	은지원	ウン・ジウォン	Eun Ji Won	(1978-06-08) 1978年6月8號 韓國首爾永登浦區	隊長、主Rapper	黑水晶
李宰鎮	이재진	イ・ジェジン	Lee Jai Jin	(1979-07-13) 1979年7月13號 韓國釜山沙下區	主舞、Rapper
金在德	김재덕	キム・ジェドク	Kim Jae Duck	(1979-08-07) 1979年8月7號 韓國釜山沙下區	領舞、Rapper
張水院	장수원	チャン・スウォン	Jang Su Won	(1980-07-16) 1980年7月16號 韓國首爾瑞草區	Vocal	白水晶
己退出成員
姜成勳	강성훈	カン・ソンフン	Kang Sung Hoon	(1980-02-22) 1980年2月22號 韓國首爾龍山區	主唱	白水晶
高志鎔	고지용	コ・ジヨン	Ko Ji Yong	(1980-07-01) 1980年7月1號 韓國首爾龍山區	領唱

成員變遷

注：

• 黃色線：專輯發行

音樂作品

• 《學園別曲》
• 《Welcome To The Sechskies Land》
• 《Road Fighter》
• 《Com' Back》
• 《ANOTHER LIGHT》