水資源

出自維基百科,自由嘅百科全書
Jump to navigation Jump to search
珠江口嘅虎門大橋;珠江係地區嘅一個大水源,傳統啲粵人耕田或者飲水嗰啲水大多數都係由珠江嗰度攞嘅。

水資源粵拼:seoi2 zi1 jyun4)指可能對人類有用嘅天然資源。水-一氧化二氫(化學式H2O)-係一種對人類嚟講好有價值嘅物質,喺屋企、工業農業、同休憩等嘅活動嗰陣都要用到,而事實係,有生命嘅嘢,包括咗各種嘅植物,冚唪唥都係要有水先至可以生長同繁殖嘅。

地球上面 97% 嘅水都係鹹水,得嗰 3% 嘅係淡水,而呢啲水當中有差唔多 3 分之 2 係雪住咗喺冰川或者極地嗰度嘅[1]。淨低冇雪住嘅淡水就主要會喺地下水嗰度揾到,得好少量嘅存在喺地表或者大氣入面[2]

淡水係一種可再生資源,而人人都有權使用水-即係所謂嘅「水利權」。但係有跡象顯示,世界上嘅地下水供應穩定噉下跌緊,尤其係喺亞洲南美、同北美,而啲科學家仲喺度研究緊呢個現象會唔會自然噉恢復,以及生態系統係咪受到威脅[3]

淡水邊度嚟[編輯]

地表水[編輯]

內文: 地表水

地表水(Surface water)指緊喺、或者淡水濕地嗰度揾到嘅水[4]。成個地球上面嘅地表水形成一個複雜嘅系統:地表水會自然噉因為流落蒸發蒸發散、同地下水補給等嘅原因而冇咗,但係又會由降水嗰度補充返,所以喺每個時間點,地球上地表水嘅總量係由好多因素話事嘅-好似係湖同濕地呢啲地方嘅容量、地表水下面嗰啲泥土有幾畀水過到、降水嘅時間、同埋蒸發率呀噉。

人類嘅活動對呢個系統可以造成好大嘅衝擊。人類成日都會起一啲好似水壩等嘅結構嚟提升地表水嘅量,以抽乾啲濕地嘅方法嚟令地表水量減少,再唔係又有人類會想改變河渓嘅流動速度

對於地表水總量嘅研究好緊要。噉係因為人類對水嘅需求好多時可能會喺短時間內有啲上上落落:例如啲農場春天嗰陣用水零舍多,而冬天嗰陣就好多時唔會點用水,所以農場嘅供水系統要有好大嘅容量,而且要能夠全年儲起啲水同埋喺短時間之內大規模噉放水;又例如係發電廠噉,好多時要用水嚟幫啲機器降温,但係佢哋對水嘅需求好恆定,所以畀水落去發電廠嘅供水系統嘅容量淨係需要大過間發電廠嘅需求量少少。科學家同相關嘅公務人員仲需要識得定時定候估計吓自己嗰頭有幾多地表水,嚟睇吓使唔使做濟水等嘅措施。

地下水[編輯]

地下水流動嘅圖解
內文: 地下水

地下水(Groundwater)係喺地表以下啲多窿嘅泥土同岩石入面嘅淡水[4],喺地殼帶水層(Aquifers)嗰度流動。有啲科學家仲會將地下水細分做「同地表水有連結嘅」同埋「喺好深嘅帶水層嗰度嘅化石水」兩大類。

地下水好似地表水噉係一個系統:有輸入、輸出、同儲藏。最常見嘅地下水源頭係地表水滲落去地底,而最常見嘅地下水流失係同流落海。地下水同地表水最大嘅分別係,地下水流失嘅率慢過輸入嘅率好多,所以地下水嘅總量大過地表水嘅好多。亦都因為噉,人類好多時可以長時間好放縱噉樣用地下水都冇乜嘢嚴重嘅後果。之但係長期嚟講,多數人類都唔會想將地下水用盡,會以慢過恢復率嘅率嚟用地下水。

雪住咗嘅水[編輯]

有唔少科學家都主張過可以試吓運用冰山入面嘅水,但係到咗廿一世紀頭,冰山嘅水多數都淨係攞嚟做研究用。

畀人嗌做「世界嘅屋頂」嘅喜馬拉雅山有地球上最高嘅地方,亦都有極地以外最大規模嘅冰川。亞洲最大嘅河當中有 10 條都係由嗰度流落嚟嘅-總共有成 10 億人嘅生存用水都係靠佢。

睇埋[編輯]

參考[編輯]

[編輯]

  1. "Earth's water distribution". United States Geological Survey.
  2. "Scientific Facts on Water: State of the Resource". GreenFacts Website.
  3. Gleeson, Tom; Wada, Yoshihide; Bierkens, Marc F. P.; van Beek, Ludovicus P. H. (9 August 2012). "Water balance of global aquifers revealed by groundwater footprint". Nature. 488 (7410): 197–200.
  4. 4.0 4.1 SURFACE WATER VS. GROUNDWATER. Water Education Foundation.