大都

大都一處遺址

元代嘅大都全景。南面配置宮城，皇城圍住佢四周。外側有衙門、居民區、商業區、運河等，佢哋嘅周圍畀286公里長嘅城牆圍住。

大都（粵拼：daai6 dou1；傳統蒙文：ᠳᠠᠶᠢᠳᠤ，中蒙聯合轉寫：dayidu，內蒙標準口語音標：[dædʊ]，外蒙斯拉夫蒙文：Дайду，拉丁化：Daidu），蒙古名汗八里（汗讀韓，hon4 baat3 lei5，來自突厥語，意思係「可汗之城」；傳統蒙文：ᠻᠠᠨᠪᠠᠯᠢᠺ，中蒙聯合轉寫：ḳanbalik，內蒙標準口語音標：[kʰɑnbɑlikʰ]，外蒙斯拉夫蒙文：Ханбалиг，拉丁化：Khanbalig；普通話拼音：Hánbālǐ），係蒙古帝國（大元）國都中嘅冬都（冬營地）。位置即係而家嘅中國首都北京嘅市區，係北京嘅直接前身。

大都由元世祖忽必烈喺至元四年（1267年）開始營造，耗費咗26年先完成呢座都市。佢好有規模，同今日嘅北京舊城相匹敵，係個壯大嘅都市。大都作爲元朝國都用到元惠宗妥懽帖睦爾喺至正廿八年（1368年）潰走為止。