沙面公園

沙面公園（粵拼：saa1 min6*2 gung1 jyun4*2）係中國廣東省廣州市嘅一間細型綜合公園，喺1960年起好，位置喺荔灣區沙面南邊。西邊係白天鵝賓館；南邊係羊城八景嘅白鵝潭；東邊近住沿江西路嘅人民橋底，沙基慘案紀念碑嗰度。

史

沙面公園以前係英國喺19世紀中葉入侵廣州嗰時，做咗英租界嘅「皇后花園」，1953年規劃成公園，1960年起好開放。到咗1980年，由於起白天鵝賓館搞咗填江計劃，先至整成而家嘅公園。

呢間公園嘅佔地面積有21400㎡。包括沙面公園、翠洲園同東橋花圃三笪地。入面有好多種咗至少有個半世紀命嘅古樹，重整咗雕塑園、休閒園、白鵝水景區等景點。

翠洲園係沙面東南邊嘅一個景區，有5502㎡咁大。之前係法國租界嘅「法國花園」，喺解放之後做咗公園花圃。而家佢整咗荔灣區老幹部活動中心響度。

翠洲園係沙面東邊嘅一個景區，有2206㎡咁大。而家佢既係種花卉嘅基地，又係搞綠化交流嘅基地，開畀遊人學習參觀。