河背水塘
(由河背灌溉水塘跳轉過嚟)
| ||||
|---|---|---|---|---|
.jpg) | ||||
| 國家 | 中華人民共和國  | |||
| 位處政區 | 元朗區、香港 | |||
河背水塘嘅位置  | ||||
[改維基數據] | ||||
河背水塘（英文：Ho Pui Reservoir）官名河背灌溉水塘（英文：Ho Pui Irrigation Reservoir），係香港一灌溉水塘，喺新界八鄉，河背南面山上，行政上歸元朗區。海拔250米羣山環抱水塘於其中。水注入錦田河，亦係錦田河上游，亦歸大欖郊野公園，自然環境優美。水塘容量50萬立方米，水務署管水塘之中至細。水壩彎曲，東凹南，西凸北，長157米，高17米。由於灌溉之用，唔係供應食水，主要灌溉八鄉一帶農田。
史
[編輯]1960年代，香港政府為咗增加大欖涌水塘供水量，截流錦田河，引水入大欖涌水塘，搞到錦田河中游以下水量大減，影響農民灌溉，所以當局另外起多四個灌溉水塘，以供八鄉農民耕田用水，河背水塘就係其中之一。水塘1961年起好使用。
景
[編輯]塘中有小洲，四周樹木蒼翠，環境清幽，昆蟲﹑鳥類同植物品種豐富。1998年，入選漁農及自然護理署嘅郊野公園十大自然風景。水塘蛇形十九孔溢洪大壩，亦係一大特色。
河背水塘家樂徑環繞水塘而起，全長得2公里，行晒約莫40分鐘。附近亦有河背水塘越野單車徑，以高難度見稱，經常有意外。
交通
[編輯]於元朗泰衡街乘坐專線小巴71往河背村，沿往河背水塘方向指示牌行約20分鐘即達。
