波長

正弦波嘅波長

唔同可見光波長嘅激光

波長（粵拼：bo1 coeng4，符號：λ，呢個符號讀音近似粵拼：laam1 daa4）係一個物理學名詞，屬於描述波動特性嘅物理量，指喺波形上相鄰兩個相同相位點之間嘅距離，例如兩個相鄰嘅波峰或者波谷之間嘅距離，一段波動每隔 λ 咁長嘅距離，波形就會重複一次。波長通常用長度單位嚟表達，譬如係米、厘米、納米等。

基本概念

波長嘅示意圖

内文：波動、距離同相位

波長可以理解為響某一個固定嘅頻率裡面，沿住波嘅傳播方向、響波嘅圖形裡面，離平衡位嘅「位移」同「時間」都一樣嘅兩個質點之間嘅最短距離。或者噉講：波動好多時都係每隔一段距離就重複一次嘅，而攞兩個相鄰嘅重複波形，同兩個波形各攞一點，而兩點相位（可以理解為去到個波嘅邊部份）一樣，兩點間嘅距離就謂之波長，即係波形隔幾遠距離會重複一次。

喺最簡單情況下，可以用正弦波嚟示意。如果某條水波或者聲波喺空間上重複出現高低起伏，噉每一個完整週期嘅長度就謂之一段波長咁長嘅距離。好似下圖噉：

唔單只正弦波，任何有規律重複嘅週期性波動都可以定義波長，只不過波形可能唔同噉解。好似係下圖噉：

同頻率嘅啦掕

睇埋：頻率

波長（λ）同頻率（f）之間成直接嘅反比關係，只要知道其中一個，就可以計埋另外嗰個出嚟。佢哋相乘得出嘅數，等於該股波動行進嘅速率 v ：

$v=f\lambda$

噉係因為頻率定義上就係指某事件（例如一個波形咁長嘅波動經過呢件事件）每秒重複幾多次，而波速定義上係速率，反映緊

$v={\frac {\text{一 個 週 期 行 嘅 距 離 }}{\text{一 個 週 期 用 咗 幾 耐 }}}$

個分子等如 λ 而分母就等如 1/f，掉一掉條式，就會得出

$v=f\lambda$

因此，假設波動行進速度 keep 住不變，波長同頻率會成反比。

可見光嘅波長

内文：電磁波譜

睇埋：發射光譜同光學

喺電磁波譜入面，可見光（人類肉眼睇得到嘅光，屬於電磁波一種）嘅波長約莫介乎喺 400 納米到 700 納米之間：

• 約 400 nm 左右係紫光；
• 約 500 nm 左右係綠光；
• 約 700 nm 左右係紅光。

波長短過可見光嘅電磁波，包括紫外線、伽瑪射線等，呢啲波帶有嘅能量較高，通常會有潛在輻射危險。相反，波長更長嘅有紅外線、無線電波等，呢啲電磁波能量較低。

下圖係可見光嘅波譜，標晒唔同色嘅光嘅波長：

另見

• 頻率
• 干涉
• 多普勒效應
• 腦電波

外拎

• 維基同享中有關波長嘅資源類