活摘器官

活摘器官本身解由在生（活）嘅動物（包括人類）度攞走（摘）器官，跟着唔補翻功能正常嘅（機械或生物）代替品。由於約定俗成，該辭罪惡意味濃厚，往往令人聯想起（典型支持及施害者）中國共產黨同（典型反對及受害者）法輪大法學員。雖然「活摘」唔見於傳統廣府話，但係「活摘器官」已經成為徂當中嘅流行術語。

人類

醫學

活摘器官可以係人體器官移植過程嘅一部分，亦可能係為徂治病或防病而做嘅；變性及整形等都係原因。根據主流嘅現代醫學道德標準，只可以對唔收錢嘅自願者活摘器官，而且目標器官，一定要係喺手術成功嘅情況之下，其主人無徂都唔會死嗰尐，亦幾乎必須全程麻醉。

於公元廿世紀末，中共開始頻繁恁由唔情願者度活摘器官；視乎需要，會偷走或搶走幾乎任何器官，再移植畀其他人，而且多數攞命；有好多法輪功修煉者受害。法輪功團體及其相關傳媒從此一直對中共口誅筆伐，希望制止呢種暴行以及對渠算賬；爾個名詞因此變得普及。

另外，如今世界各地都有人體器官販賣個黑市生意，渠等喺大陸傍東南亞運作得尤其猖獗。相比起由死人身上摘取，靠活摘得來嗰啲器官，喺數量傍時機上皆容易把握得多，而且保證到其於移植時十分新鮮，因此大行其道，縱使無論在德定係在法，活摘器官均更罪孽深重。

其他

活摘器官係古今中外常見嘅酷刑手段、宗教儀式傍某尐行業嘅入職要求。最常用個男性閹割（割走全部睾丸）傍女性閹割（割走部份陰蒂）方式，亦算係活摘器官。