深水埗天后廟
深水埗天后廟係香港嘅一間天后廟，係喺九龍深水埗醫局街，座北向南。間廟喺清朝光緒27年（1901年）起嘅，喺1990年重修過。間廟而家由華人廟宇委員會打理。
深水埗天后廟除咗奉祀媽祖外，重有包公、觀音、關帝同太歲等神祇。廟裏面存有民國2年（1913年）嘅門聯同民國四年（1915年）嘅銅鐘。中門門框兩邊刻有「百粵著聲靈大道為公鍚福自天宏啟宇；八方虔禱祀群生在宥臚歡薄海慶安瀾」嘅對聯。廟裏面曾開設深水埗公立醫局。
- 〈深水埗天后廟〉。華人廟宇委員會網站。2011-11-07。喺2012-08-01搵到。
