温庭筠

出自維基百科,自由嘅百科全書
Jump to navigation Jump to search
温庭筠
Wen Tingyun.jpg
温庭筠,出自《晚笑堂竹莊畫傳》
飛卿
原名 温岐
出世 812年?
870年?
國籍 大唐
別名 温助敎、温方城、温鍾馗、温八叉、温八吟
籍貫 山西祁縣
職業 詩人、詞人、官員
知名作品 《夢江南》、《菩薩蠻》、《商山早行》
仔女 温憲

温庭筠(筠讀雲,粵拼wan1 ting4 wan4;812年?—870年?[註 1]),原名kei4),飛卿fei1 hing1),係中國唐代(晚唐)時嘅官員同詩人人,太原祁人(而家山西祁縣),世稱温助敎wan1 zo6 gaau3)、温方城wan1 fong1 sing4)。

喺詩壇,佢係晚唐時期代表詩人之一,佢嘅愛情詩同李商隱一樣詩風豔麗,一齊開拓咗詩苑新境界,並稱爲温李[1];又同李商隱、段成式嘅文筆齊名,號稱「三十六體」。喺詞壇,佢係花間派嘅鼻祖,同韋莊並稱爲温韋[2],亦係文人中第一位努力作詞嘅詞人[1],到咗佢手啲文人先至重視詞呢種文體。

生平[編輯]

温庭筠係太原府祁人(而家山西省祁縣),佢係温彥博嘅後人,温彥博係唐太宗呢朝嘅宰相。

佢精通音律,自細就識琴、笛[註 2],能根據音樂填詞,天資穎敏,有寫得出好文章嘅文才[3]。因爲佢嘅樣生得醜,所以畀人嗌做温鍾馗wan1 zung1 kwai4),但佢有文才,考律賦時,要八韻成一篇,佢叉起手一吟就有一韻,八叉八韻就完成八韻詩,所以時人稱佢做温八叉wan1 baat3 caa1)、温八吟wan1 baat3 jam4[4]

雖則有咁高才華,次次考進士都落榜,噉係在於佢嘅輕率行爲好多。有關温庭筠性格嘅軼事傳得幾多,大體上以佢浪漫嘅性格同品行放蕩爲主。温庭筠初初到長安時,幾多人尊重佢出衆嘅才華,佢亦自信自身嘅才華,結果佢出入啲花街柳巷,同啲公卿子弟飲酒度日,毫無念慮噉沉迷酒色[註 3]。有次醉咗犯咗夜禁,同啲警官衝突,以致畀人打甩牙,將佢唱衰成個京師,落得好壞嘅名聲。加之佢又得失權貴,好唔畀面噉批判啲當權者,於是好快乞人憎。喺考場佢又恃住自身嘅才華,多番爲鄰席嘅人作詩,幫佢哋作弊,以致畀人稱呼做「救數人」。呢啲不正行爲令佢喺科舉及第唔出來[註 4]

甚至於丞相呢種當權者都夠膽放肆。佢曾經喺宰相令狐綯中文令狐綯ling4 wu4 tou4;令狐楚嘅仔)屋企度寄食,但因爲佢譏諷宰相無學問,又整蠱令狐綯[註 5],結果攀咗出來,亦因此得罪貴人而備受打壓[4]大中九年(855年),佢最後一次考進士,因爲驚佢又幫人作弊,而特召佢喺簾前受試,因此佢大鬧科場,喺遞年流放去隨縣湖北)做縣尉[4][3][註 6]

大中十一年(857年),襄陽(湖北)刺史徐商賞識佢,招佢做巡官,於是入咗佢幕下,咸通二年(861年)徐商調離襄陽,佢亦就辭職去江東地方放浪,漂泊過世[註 7];喺淮南時,雖然令狐綯出鎮淮南,但因爲以前打壓過佢,所以唔去探佢[4]。咸通四年(863年)温庭筠因爲窮而喺揚子院乞食,之後發生飲醉犯夜嘅事件,當時令狐綯冇幫温庭筠講說話,亦就冇罰到差人[4]。因爲惡名傳到京師,佢親自去京城致書畀啲公卿,爲自己雪冤,之後留喺京城長安[4]

唐懿宗年間,咸通六年(865年),温庭筠任命爲國子助敎,來年舉任主試,掌管國子監試[3][4]。因爲喺科場屢受壓制,所以佢主持考試與衆不同,佢提示啲人聽,佢會嚴格按照文章基準來判斷人,杜絕因人取士嘅歪風,喺當時傳爲美談,但亦因此招致權勢貴族嘅不滿[3]。佢爲咗表明自己完全以文判等,將文章公之於衆,包括批判施政、暴露腐敗者嘅詩文,因爲噉惹來咗宰相楊收等人嘅憤怒,結果佢貶官爲方城尉[4]。之後嘅生平不可攷,有講法話呢陣時佢人到高齡,咸通七年(866年)喺憂鬱中離世[4]。而據新舊《唐書》,話徐商原本仲喺京師保佢,無奈徐商調任,所以佢唯有貶官,《唐才子傳》更加話佢最後流落江湖直到死。

文學[編輯]

温庭筠嘅詩同都好,喺詩方面同李商隱一樣有名聲,喺詞方面同韋莊齊名。佢嘅詩詞善於挖掘對象,有色彩美同音律美。佢嘅詩包含個人嘅遭遇、對時政嘅諗法、喺行旅中所感到嘅感慨等,佢嘅詞有好多作品係寫女人嘅閨情,寫得纖細又精巧。

舊時,啲人睇李商隱同温庭筠係同一派嘅詩家,嗌做「温李」。不過,據近來各家文學研究,認爲噉講唔夠正確,因爲佢兩個嘅藝術風格好唔同。論詩歌成就,温庭筠遠唔及李商隱,因爲佢嘅詩有啲「輕浮、淺薄、情感真誠少」;不過講佢嘅就幾有特色。

温庭筠嘅詞[編輯]

温庭筠係晚唐嘅詩人同詞人,特別係佢嘅詞喺中國文學史度佔有重要位置。歷代評論家都評價佢做「花間派鼻祖」,噉係因爲佢對呢個詞派嘅風格、詞格形成扮演緊要角色,因爲噉《花間集》收錄得最多嘅係温庭筠嘅詞。詞本來生發喺民間,到温庭筠手度鍛鍊過,先引起文士嘅關心,以後五代同宋代嘅詞人先會競相創作,令詞成爲中國文學嘅主要文體之一。喺温庭筠以前嗰啲詩人係借民間詞形式來作詞,而温庭筠有音樂嘅才能,能夠據樂曲定詞調,再注入文學嘅才能,創作出多過前人嘅詞作,所謂「能逐弦吹之音,爲側豔之詞」,佢啲詞有浪漫嘅、唯美嘅感性表現,色彩濃淡,造語華靡,造成佢嘅風格「香軟,脂香粉味」。呢種風格影響到後世詞人,形成「花間派」,而佢尊榮爲第一人[5][註 8]。温庭筠詞嘅主題大略限定喺女性嘅姿態、愛情、思戀、離別同願望,諸如相思之愁等。題材係偏狹,但妥當嘅睇法係既有温庭筠個人嘅個性趨向,亦有詞喺發展初期嘅詞格起因。

作品[編輯]

據《新唐書·藝文志》,温庭筠嘅文集有[4]

  • 《漢南真稿》十卷
  • 《握蘭集》三卷
  • 《金荃集》十卷
  • 《詩集》五卷

另外,佢又寫咗類書《學海》十卷、小說《採茶錄》一卷、《乾巽子》三卷。但佢啲作品幾乎都失傳曬,詩詞僅見於《花間集》、《全唐詩》、《全唐文》,《乾巽子》部分文句保存喺《太平廣記》嘅引錄[4]

到現代爲止,佢嘅詩現存310幾首,有《温飛卿詩集》九卷,由清人顧嗣立校注;佢嘅詞現存70首,見於王國維輯錄嘅《金荃詞》同林大春彙集嘅《唐五代詞》[4]

作品舉例[編輯]

渤海王子歸國
疆理雖重海,車書本一家。
盛勳歸舊國,佳句在中華。
定界分秋漲,開帆到曙霞。
九門風月好,回首是天涯。
夢江南
梳洗罷,獨倚望江樓。
過盡千帆皆不是,
斜暉脈脈水悠悠。
腸斷白蘋洲。
菩薩蠻
小山重疊金明滅,鬢雲欲度香腮雪。
懶起畫蛾眉,弄妝梳洗遲。
照花前後鏡,花面交相映。
新帖繡羅襦,雙雙金鷓鴣。
商山早行
晨起動征鐸,客行悲故鄉。
雞聲茅店月,人跡板橋霜。
槲葉落山路,枳花明驛牆。
因思杜陵夢,鳧雁滿回塘。
過陳琳墓
曾於青史見遺文,今日飄蓬過此墳。
詞客有靈應識我,霸才無主始憐君。
石麟埋沒藏春草,銅雀荒涼對暮雲。
莫怪臨風倍惆悵,欲將書劍學從軍。
贈知音
翠羽花冠碧樹雞,未明先向短牆啼。
窗間謝女[註 9]青蛾斂,門外蕭郎[註 10]白馬嘶。
殘曙微星當戶沒,澹煙斜月照樓低。
上陽宮裏鐘初動,不語垂鞭過柳堤。
更漏子
星斗稀,鐘鼓歇,簾外曉鶯殘月。
蘭露重,柳風斜,滿庭堆落花。
虛閣上,倚闌望,還似去年惆悵。
春欲暮,思無窮,舊歡如夢中。

[編輯]

  1. 温庭筠嘅生死年不祥。關於佢嘅生年,有幾種講法。目前學者都按温詩《感舊 陳情五十韻獻淮南李僕射》推論生年,黃震雲推定温庭筠生年係元和十二年(817年);陳尚君推定係貞元十七年(801年);王達津推定係長慶元年(824年)。而據中國社科院文研所《中國文學史》第264頁,畀嘅生年係813年、死年係870年;據阮獻黎《中國文學史大綱》第480頁,畀嘅生年係820年、死年係870年;據陳黎保《文學辭典》第1894頁,畀嘅生年係未知、死年係866年。
  2. 有講法話,喺音樂,佢識打鼓、彈琵琶、吹角、吹笛……呢啲都學得幾好。據易君左《中國文學史》第505頁。
  3. 據中國社科院文研所《中國文學史》第264頁,佢經常共各家貴族啲無賴子弟出入歌樓地方,濫飲,賭錢,耽於女色,因爲噉,畀當時啲士大夫輕賤,成世都無得及到進士
  4. 才華再多方面再叻,温庭筠去試進士咁多次都過唔到。提及到呢條,易君左喺《中國文學史》第506頁話,入到試場,佢恃住自己敏捷,經常幫人作弊。啲監考官知咗,自然唔得佢哋心。呢個或者就係令佢過唔到試嘅數種原因之一。
  5. 令狐綯知道唐宣宗鍾意聽詞《菩薩蠻》,於是經常要佢幫手填詞,當做自己作嘅獻上畀皇帝,又禁佢泄露呢件事。不過因爲佢性格好直,把口遮唔住。因爲噉,令狐綯憎佢。(據易君左《中國文學史》第506頁)
  6. 傳說佢喺長安等候任官時,遇到微服出行嘅宣宗,佢唔知係天子,恃才傲物噉睇低皇帝,因爲惡口結果皇帝以佢德行唔夠而貶佢官。呢啲傳說表明本來佢好啱對方嘅感覺,但佢自身嘅質素攪和咗。
  7. 喺新舊《唐書》、《唐才子傳》都話佢喺徐商幕下不得志,唔滿足,所以浪跡江東。
  8. 講到,越南學者阮獻黎亦好讚佢嘅詞,話:「温庭筠詞好艷麗,又創作幾多新調,對後世影響好多。喺有作品記喺《花間集》嘅詞家中佢排第一。喺詩衰詞盛嘅時節佢佔有特別地位。」(國語字:Từ Ôn Đình Quân rất diễm lệ, lại sáng tác được nhiều điệu mới, ảnh hưởng đến đời sau rất nhiều. Ông đứng đầu trong nhóm từ gia có tác phẩm chép trong bộ "Hoa gian tập". Ông chiếm một địa vị đặc biệt ở giữa cái thời thơ suy mà từ thịnh.;漢喃:詞温庭筠慄艷麗、吏創作得𡗉調𡤔、影響𦤾𠁀𢖖慄𡗉。翁𨅸頭𥪝𩁱詞家𣎏作品劄𥪝部《花間集》。翁佔𠬠地位特別於𠁹個時詩衰𦓡詞盛。[6]
  9. 謝女即謝道韞,係中國晉朝陽夏人,佢出名在於佢聰明,學識廣闊,有辯論才華,好詩文。
  10. 蕭郎嘅解法可以係:1. 出自崔郊題贈畀嫁咗人嘅戀人嘅詩句:「從此蕭郎是路人」。2. 係蕭史,一個有吹簫才能嘅人,因爲噉而娶到弄玉。(典故:吹簫引鳳)3. 係詩文常用嘅詞,意思係情郎,或者指同女人有好好友情嘅男人。

[編輯]

  1. 1.0 1.1 據袁行霈《中國文學史》第343頁~344頁、第372頁~373頁。
  2. 毋永利(編) (2012年). 《古詩觀止》. 中國民主法制出版社. 
  3. 3.0 3.1 3.2 3.3 吳蔚 (2009年). 《魚玄機》. 中國民主法制出版社. 
  4. 4.00 4.01 4.02 4.03 4.04 4.05 4.06 4.07 4.08 4.09 4.10 4.11 "温庭筠簡介". 古詩文網. 喺2017年1月6號搵到. 
  5. 據中國社科院文研所《中國文學史》第256~257頁、第333~334頁。
  6. 據阮獻黎《中國文學史大綱》第486頁。

參攷資料[編輯]

  • 劉昫. "卷二百:文苑傳 — 温庭筠傳". 《舊唐書》. 
  • 歐陽脩、宋祁. "卷九十一 列傳第十六:温皇甫二李姜崔傳 — 温庭筠傳". 《新唐書》. ,另可查中國哲學書電子化計劃嘅內容。
  • 辛文房. "卷八 — 温庭筠傳". 《唐才子傳》. 
  • 孫光憲. "卷十". 《北夢瑣言》. 薛侍郎昭緯氣貌昏濁,杜紫微唇厚,溫庭筠號溫鍾馗,不稱才名也。 
  • 孫光憲. "卷四 — 温庭筠記事". 《北夢瑣言》. 
  • 余冠英、錢鍾書、范寧. "第二冊". 《中國文學史》. 中國社會科學院文學研究所. 
  • Nguyễn Hiến Lê(阮獻黎) (1997年). 《Đại cương văn học sử Trung Quốc》(漢喃:大綱文學史中國;中譯:中國文學史大綱) (用越南文寫). 少兒出版社(家出版𥘷Nhà xuất bản Trẻ).  templatestyles stripmarker in |publisher= at position 7 (詳情); templatestyles stripmarker in |title= at position 109 (詳情)
  • Trần Lê Bảo(陳黎保) (2004年). "新版詞條《温庭筠》". 《Từ điển văn học》(漢喃:辭典文學;中譯:文學辭典) (用越南文寫). 世界出版社(家出版世界Nhà xuất bản Thế giới).  templatestyles stripmarker in |publisher= at position 7 (詳情); templatestyles stripmarker in |title= at position 93 (詳情)
  • 袁行霈、羅宗强. "第二卷". 《中國文學史》. 高等教育出版社. 
  • 前野直彬(註解) (2000年). 《唐詩選》下 (用日文寫). 岩波書店岩波文庫〉. 
  • 易君左 (1973年). 《中國文學史》. 華聯出版社.