加拿大救生艇計劃

加拿大救生艇計劃^[1]（粵拼：gaa1 naa4 daai6 gau3 sang1 teng5 gai3 waak6，英文：Permanent residence pathways for Hong Kong residents，英文簡稱：Hong Kong Pathway）又叫港人避風港計劃（粵拼：gong2 jan4 bei6 fung1 gong2 gai3 waak6），係加拿大聯邦政府針對《港區國安法》後香港局勢而實施嘅移民措施^[2]^[3]，主要係放寬對香港人嘅工作許可以方便佢其後嘅移民申請。計劃喺2021年2月8號開始接受申請，同年6月1號正式生效，預定2026年8月31號完結。

背景[編輯]

2019年反逃犯條例修訂運動後，《港區國安法》喺2020年6月出台。英國推出英國國民（海外）平權，令1997年7月1號前出世並持有英國國民（海外）護照嘅港人可以過渡做英籍。加拿大、澳洲同美國等其他五眼聯盟國家嘅國會或政府亦表態會考慮提供避風港政策去保護香港人^[4]^[5]。

計劃分做「Stream A」（讀書移民）同「Stream B」（工作移民）兩條途徑，提交申請嗰陣要揀定，同埋要符合相關資格要求。

「Stream A」主要係要求申請人憑學生簽證喺加拿大就讀認可嘅大專院校課程（課程長1年到3年），成功畢業後就可以申請永久居留權。

「Stream B」主要係要求申請人憑開放式工作簽證喺加拿大工作滿1年，就可以申請永久居留權。計劃初頭仲有「認可大專課程畢業後5年內」嘅學歷要求，2023年2月放寬到「10年內」，同年8月15號開始全面取消學歷要求。

加拿大移民部部長馬爾科·門迪奇諾表示，另有延伸計劃會喺2021年底公佈詳情^[7]^[6]：

加拿大當局話計劃由2021年6月1號開始截至2023年4月30號，已經批咗3,122個申請，當中「Stream A」佔2,358人；「Stream B」佔764人。