潔銀
| 公司前類型 | 工廠 |
|---|---|
| 開檔 | 1982年 |
| 執笠 | 1992年（同高露潔合併） |
| 總部地址 |  中國廣東省廣州市海珠區鳳凰崗樂善大街2號大院 |
| 產業 | 牙膏廠 |
| 產品 | 牙膏生產商 |
潔銀（粵拼：git3 ngan4）係中國廣東廣州已經冇咗嘅牙膏廠，總部喺而家海珠區鳳凰崗樂善大街2號大院。1982年成立，1992年被高露潔收購。
佢亦係廣東地區第一支牙膏廠商[1]。口號係「要將牙病防，潔銀幫你忙」[1]。
史[編輯]
1978年，徐文霞喺軍醫大[註 1]衛生處做副處長同牙科主治醫生時，有位姓高嘅大學生因為復發性口腔潰瘍成日嚟睇病，但用咗好多辦法都係效果麻麻，結果個學生搞到要退學。後嚟徐文霞諗到可以長期用嘅中草藥同牙膏結合，但由於佢嗰時未掂過整牙膏，結果佢用咗好長時間，搵咗嗰時廣州唯一嘅牙膏廠同學校化學研究室嘅副教授學咗嘢，最後廣州軟管廠[註 2]廠長應承咗同軍醫大[註 1]合作，出一批實驗牙膏。批牙膏喺1982年正式開始生產[2]。
實驗牙膏出咗街之後，好多人都話佢效果比較好，由於嗰時開緊廣交會，啲牙膏好快賣嗮。呢批試驗牙膏唔單止將學生嘅口腔潰瘍醫好，甚至連就嚟執笠嘅廣州軟管廠[註 2]鹹魚翻生而成為日用化工廠[2]，甚至喺1980年代成為最暢銷嘅牙膏[3]。1990年，牙膏銷售量突破1000萬而成為廣州嘅創業盈利大戶[1]。
1992年，全球最大嘅牙膏廠商——高露潔正式收購咗潔銀，成為高露潔屬下嘅一部分而開始逐漸退出市場，直到1995年底消失到無影無蹤[4]。而工廠原址喺2010年被改為創意園[1]。
而家嚟講，潔銀牙膏凈喺細型士多舖同細超市仔先至搵到。
註同攷[編輯]
- 註
- 攷
- ↑ 1.0 1.1 1.2 1.3 被收购、搬迁、倒闭 大名鼎鼎的“工业大道”正在消失(2) 新快网 （2013-10-17）
- ↑ 2.0 2.1 广州软管厂 广州地情网
- ↑ 第5章：注定以小搏大（2） 互聯網檔案館嘅歸檔，歸檔日期2021年8月26號，. 搜狐
- ↑ 让中国人心痛！说说那些被外资收购的国产品牌 泡泡网 （2016-01-30）