澳門檔案館

澳門檔案館
Arquivo de Macau
成立日期	1952年6月28號（設立）; 1979年（正式運作） ; 1982年3月（遷址）
地址	澳門崗頂何東藏書樓（初期）; 澳門高士德大馬路16號（臨時遷址）; 澳門荷蘭園大馬路91-93號
類型	歷史
網站	澳門檔案館網站

澳門檔案館（葡文：Arquivo de Macau，英文：The Archives of Macao）喺澳門半島荷蘭園大馬路塔石廣場，由澳門文化局管理。澳門檔案館係澳門官方檔案文史資料收藏、保管、分析同研究嘅機構。

歷史[編輯]

澳門檔案館係根據1952年6月28號頒布嘅第五號海外部立法條例設立，當時叫澳門總檔案館，隸屬澳門民政總局。1979年轉屬澳門教育廳，改名歷史檔案館，並正式運作。1986年撥歸澳門文化學會（澳門文化局前身）管轄至依家。2016年改名做澳門檔案館。

澳門檔案館負責收集、整理、保管、分析同研究具有歷史價值嘅檔案資源，畀社會大眾利用。依家館內有檔案六萬幾案卷、圖像七萬幾幅、書刊資料一萬幾冊，載體以紙質為主。館藏最早嘅檔案，可追溯至1630年。

檔案館除咗接收政府部門移交嘅檔案，亦接收社團同個人捐贈嘅檔案。