濮陽逸

濮陽逸
東漢 官員
遞啲名

濮陽逸（粵拼：buk6 joeng4 jat6；？—？），兗州陳留人（而家河南開封），係東漢末年嘅官員，係東吳丞相濮陽興嘅老豆。

濮陽逸喺漢末時因爲戰亂，避亂南下到江東。佢到江東時單身寡佬，又窮，但份人有志向，所以佢作爲清貧之士同陳融、蔣纂、袁迪、陸瑁呢啲士人交往，陸瑁好大方，雖然物資唔多，佢都同佢哋分甘同味，所以濮陽逸群埋呢啲士人。後來佢做到官，個官最高做到長沙太守。

佢嘅仔濮陽興亦學咗佢嘅人品，自細就有作爲士人嘅名聲，後來做到吳國丞相咁高職位。

參攷資料

• 陳壽. 〈吳書 — 諸葛滕二孫濮陽傳：濮陽興傳〉. 《《三國志》》. 陳留人也。父逸，漢末避亂江東，官至長沙太守。興少有士名……
• 陳壽. 〈吳書 — 虞陸張駱陸吾朱傳：陸瑁傳〉. 《《三國志》》. 陳國陳融、陳留濮陽逸、沛郡蔣纂、廣陵袁迪等，皆單貧有志。就瑁遊處，瑁割少分甘，與同豐約。