熱咖啡模組（英文：hot coffee mod）係《俠盜獵車手：聖安地列斯》嘅一個 mod。
《俠盜獵車手：聖安地列斯》呢隻電子遊戲整嚟就係預咗畀大人玩嘅，原先預定會有隻小遊戲畀玩家控制住主角同主角嘅女朋友做愛；不過製作組諗諗吓，覺得噉搞法隻遊戲恐怕會引起大爭議，於是就將隻小遊戲收埋—佢哋並冇剷走隻小遊戲嘅源碼，只係剷走咗玩家可以用嚟玩嗰隻小遊戲嘅渠道；而隻遊戲出咗街之後，有玩家發現咗呢隻小遊戲嘅檔案，就整咗個模組將隻小遊戲「解鎖」，令到玩家群玩得到隻小遊戲，而遊戲主角同佢啲女朋友做愛嘅影片引起咗公眾譁然。
