燕京大學
| 燕京大學 | |
|---|---|
| 英文名 | Yenching University |
| 校訓 | 因真理 得自由 以服務 |
| 開辦 | 1919 |
| 類型 | 私立大學 教會大學 |
| 校址 |  中國北平市海淀 |
 | |
燕京大學（英文：Yenching University），簡稱燕大，係中國北京一間消失咗嘅綜合大學。
歷史
[編輯]20世紀初，由4間美國及英國基督教教會夾份喺北京開辦。當時係中國教學質素同校園環境最優秀嘅大學之一，亦被認為係中國教會學校之首[1][2]。校名源於北京嘅舊名「燕京」。而今美國哈佛大學嘅哈佛燕京學社就係以呢間學校命名嘅。
1949年中共建國後，燕京大學資產由中華人民共和國政府接管，跟住俾人分拆。民族學系、社會學系、語文系（民族語文系）、歷史系併入中央民族學院，法學院併入北京政法學院、中國人民大學，經濟學系併入中央財經學院，第啲文科、理科多數併入北京大學，工學院併入清華大學，醫學系併入中國協和醫學院。校舍由北京大學接收，成為北京大學嘅主要校園，現已列為古蹟保護。
部分舊生南遷香港，參與創建崇基學院，亦即係後來嘅香港中文大學創校書院之一。
歷任校長
[編輯]- 司徒雷登：1919年1月-1945年，後長期擔任校務長
- 吳雷川：1929年-1934年，代理校長
- 陸志韋：1934年-1941年，代理校長
- 梅貽寶：1942年-1945年，代理校長
- 陸志韋：1945年-1949年，代理校長
- 翁獨健：1949年-1952年，代理校長
知名舊生
[編輯]睇埋
[編輯]參考
[編輯]- ↑ 梁文道 (2012-05-21)。〈开卷八分钟：消逝的燕京，大学的灵魂〉。凤凰网读书。
- ↑ 〈哈佛燕京學社建立標誌燕京大學躋身世界一流〉。華夏經緯網。2013-09-06。原著喺2018-09-29歸檔。喺2018-06-10搵到。｢對於燕京大學“教會大學之首”、“世界一流大學”的地位都作出了肯定......其一，是因為燕大在國民政府教育部所舉行的考試中的表現:1928年，國民政府教育部舉行14個私立大學的特別考試，兩個燕大的學生得了最高分，而學校一、二年級水準和不及格人數與其他大學相比較，燕大也處於最好的水準。其二，是因為在同一年，美國加州大學對亞洲高等院校的學術水準進行調查，結果燕大被列為全亞洲最好的兩所基督教大學之一，並認定燕大的畢業生可以直接進入美國的研究生院攻讀學位。｣
- ↑ 鄧聰 (2017年)。《《盱古衡今-鄭德坤教授百十誕辰紀念》》 (中文)。香港：香港中文大學中國考古藝術研究中心。頁 4。ISBN 9789628530397。
出面網頁
[編輯]