牛牯嶂

牛牯嶂
海拔	1,084.3米（3,557英尺）
位置	廣州增城同惠州龍門交界
座標	23°34′5.04″N 113°50′15.7″E
牛牯嶂 牛牯嶂嘅地理位置

牛牯嶂（粵拼：ngau4 gu2 zoeng3）係中國廣東嘅一座山，喺廣州增城同惠州龍門縣嘅交界。佢既係白水寨景區嘅最高峯，又係增城嘅最高峯。海拔1084.3m。

名

座山個樣似水牛而改成噉嘅名。

古仔

好耐好耐之前，太上老君條後生化成仙，趕班石牛跟住派潭墟條河行落去，到附近嘅空地搞座城。啲仙人到咗高陂頭時，見到有位女仔孭住孲𤘅子到河邊洗衫褲，就問佢有冇見到成班牛跟住條河落嚟。而女仔亂罯廿四話冇牛，就見到好多嚿石頭碌落嚟。話未講完，石牛停喺河入面唔喐重定咗喺派潭河。後嚟山上啲仙人都變嗮座山，好似座大青水牛牯噉。

概況

山體主要由燕山第四期嘅花崗岩再經過億萬年嘅風化、剝蝕、沖刷而形成。用肉眼直覺，牛牯兩「角」之間大概1.5km遠。南「角」由高約10米嘅三嚿垂直節理風化嘅石蛋並排組成。山頂嘅花崗岩波通過風化而形成嘅怪異石蛋同岩窿，山上啲石通過風化同坍塌而形成峭壁。東南邊係迎風坡，坡度好陡，除溝穀有好多大石蛋外，其它地方嘅山體幾乎光禿禿，其中有七嚿大石有「七仙姑巨石顯百縷」嘅古仔。西北邊係背風坡，坡度好緩，山體嘅岩層受冷縮熱脹唔平衡而形成球狀石比較多。尤其超過海拔900米地方，好多嚿大石上出現幾個或十幾個有序排列嘅金龜圓，喺南中國各省花崗岩嘅山體當中好少見。喺「南角」附近重見到似馬同龜等類似物嘅石蛋奇觀。

路線

目前凈得2條路線可以上山，兩個就係去到何大塘村嘅十字路口轉入樟洞坑村。

1. 到咗樟洞坑村後再行去牛牯嶂電站嗰邊（半佬一定要經過一片蕉林同大籃球場），到咗大籃球場附近喺籃球場隔籬有條水泥路上山，之後要經過養殖場，到咗有條大水管同樓梯嘅位一直上去，到咗有水渠嘅舊屋之後跟住條大水管附近嘅水泥路上去（半佬一定要見到「七壇娘」嚿牌），去到有樓梯嘅分岔路附近要繼續跟住條水管下邊條樓梯上去，上到水泥馬路。
2. 到咗樟洞坑村後再行嶂洞坑黃沙鱉水魚場方向條路一直行，中間經過一大堆桉樹林同爛地路，最後要見到附近條水管而駛入水泥馬路。

到水泥馬路之後一直行到豬兜水庫嘅水壩，（揸車人士要落車步行先至得）跟住水庫左邊條淺灘行，行到有一大堆石頭位之後有條路仔響度，入去繼續上山上到頂就係目的地。

連出去

山峯介紹

• 欲览天宫,增城市最高的牛牯嶂山峰景区 增城视窗
• 牛牯嶂景区 增城区人民政府

路線攻略

• 20150915增城牛牯嶂 蚂蜂窝
• 征服1084.3m！！徒步牛牯嶂之旅。 拾梦人
• 百人自驾，挑战泥泞，征服增城牛牯嶂 重庆都市圈