王屋村古屋

出自維基百科,自由嘅百科全書
Jump to navigation Jump to search
王屋村民宅古屋
門廳嘅牆身壁畫

王屋村古屋,又叫「王屋村民宅」(英文:The Old House at Wong Uk Village),係喺香港沙田圓洲角西南端。王屋村喺清朝乾隆年嘅時代(一七三六至一七九五年)由原籍廣東省興寧縣嘅王氏族人起嘅。十九世紀嗰時,由廣東南下九龍嘅旅客同貨物都以圓洲角為交通中心點,王屋村就成為咗商旅嘅貿易站,直至到十九世紀尾先開始末落。隨住沙田海不斷咁填土去發展沙田新市鎮,王屋村好多古老嘅建築已經荒廢同拆咗。剩番嘅呢間古屋大概喺1911年由王氏第十九代祖先王清和起,古屋樓高兩層,用青磚砌成,裡面有精美嘅壁畫同傳統裝飾,係圓洲角嘅歷史標記。香港政府喺1984年接管咗王屋民宅之後,喺隔離起咗王屋花園,更喺1989年12月22號將王屋民宅評為香港嘅法定古蹟。

出面網頁[編輯]