王征

出自維基百科,自由嘅百科全書
 呢篇文講嘅唔係王晶

王征1963年7月23號—),本名盛承宗,係中國地產界企業家、前任亞洲電視執行董事高級顧問、榮豐控股董事長全國政協委員中國國民黨革命委員會中央委員會委員、北京市政協副主委。

家世[編輯]

王征祖籍江蘇常州,有人話佢係大清實業家盛宣懷嘅曾孫。王征入主亞洲電視之後澄清過,佢的確係盛家第四代,但係唔係盛宣懷嘅曾孫,佢太爺其實係盛宣懷嘅堂細佬盛葵蓀

王征阿爺盛觀頤,阿爸盛毓南阿媽八路軍老戰士王雲飛(王征跟阿媽姓),家姐盛小寧

生平[編輯]

王征1981年考入華東師範大學俄語系,畢業之後移民香港,攞到香港公民身份。1992年,因為用上海南京路一塊90,000平方米嘅地皮賺咗1.7億人民幣,而成為上海房地產界嘅「神話」。1998年喺北京開展地產事業。