王晶

唔好同王征搞亂。

王晶（Wong Jing，1955年 5月3號—），花名晶哥、肥螳螂，原名王日祥，係香港導演。浙江紹興市人，香港出世，佢老豆係以前港產片名導演王天林。

生平[編輯]

王晶後生嗰陣係喺香港中文大學讀書，1970年代已經以兼職身份喺無綫電視工作，逐漸做到編劇。

1980年代投身電影業。第一部戲係《千王鬥千霸》。佢專門拍商業片，例如《精裝追女仔》同埋《賭聖》系列。佢從影以嚟已經拍過超過一百八十部電影，票房累積計超過十億港紙。

佢嘅電影通常唔考慮美學概念，而係商業考慮特別多，尤其係佢專門拍畀啲嘅草根階層睇，所以色情戲佢都拍唔少。所以一啲影評人成日唔妥王晶啲電影，認為佢無良、賤格，但王晶就成日批評番啲影評人，話佢哋啲戲成日都唔收得，冇資格批評佢。