美學

美學（粵拼：mei5 hok6）係哲學一個學科分支，專門研究「靚」（美）嘅本質同意義。美學會研究美感、品味以及其他審美現象。廣義上，美學亦包埋藝術哲學，探討藝術嘅本質、藝術品有咩意義、創造力同埋係觀眾點樣欣賞藝術。

所謂「審美特性」，係指會影響物件審美吸引力嘅各種特徵。當中包括「審美價值」，即係反映正面或者負面美感嘅屬性，好似「美同醜」之間嘅對比就係一個例子。唔同年代會有唔同嘅審美觀。

基本

内文：靚

美學研究者成日思考

「

乜嘢係靚？

」

呢條問題。呢方面嘅學者普遍認為，靚呢個概念係有可能定義嘅：事實表明，「一樣嘢靚唔靚」有啲主觀，即係所謂嘅各花入各眼；唔同時代、唔同族群以至唔同個體對「點至算係靚」睇法可以好唔同，可以睇吓成語燕瘦環肥講嘅嘢（下面呢段係文言文）－

「

短長肥瘦各有志，玉環飛燕誰敢憎。

」

不過又有學者指，靚亦明顯有啲客觀－事實表明，有好多事物都係俾多數人覺得佢哋靚嘅，噉即係表示靚唔完全係個個人睇法都唔同。美學呢個領域其中一個最重要嘅目標就係想知到底呢啲「多數人都覺得靚」嘅特性係乜，而包括畫家在內嘅藝術工作者就會用呢啲知識，務求整出俾多數人覺得係靚嘅作品。

睇埋

• 古典主義
• 浪漫主義
• 現代主義
• 後現代主義