珠江醫院

出自維基百科,自由嘅百科全書
跳去導覽 跳去搵嘢
珠江醫院

珠江醫院粵拼zyu1 gong1 ji1 jyun2),又嗌南方醫科大學珠江醫院naam4 fong1 ji1 fo1 daai6 hok6 zyu1 gong1 ji1 jyun2,係中國廣東廣州嘅一間有醫療、教學、科研喺埋一齊嘅大型三甲綜合醫院,1947年成立,位置喺海珠區工業大道中253號(近南泰路口)。佢既係南方醫科大學屬下嘅第二附屬醫院,又係廣東第一批社會醫療保險同埋社會工傷保險嘅指定醫療機構。

[編輯]

醫院喺1947年2月成立,初期嗌解放軍第十後方醫院,位置喺山東沂蒙山江裕鎮(今日嘅臨沂濰坊嘅交界),但隨後改成解放軍第三後方醫院,1948年搬到濟南時改名做解放軍濟南市第一臨時醫院。期間因戰亂不斷而先後搬到河北江蘇安徽江西,及福建一帶,名亦陸續改名做解放軍第五野戰醫院同埋解放軍第一野戰醫院。直到1955年6月,醫院被整編成解放軍第一〇三醫院重落戶喺福建永安專區(今日嘅三明永安市)而結束野戰任務,轉型成駐軍醫院。

1978年5月1號,按中國人民解放軍總參謀部嘅批復同埋總後勤部嘅通知而搬到廣東廣州,隨後畀咗第一軍醫大學(今日嘅南方醫科大學)睇實而轉型成教學醫院。稱呼方面,雖然大學內部嗌佢做第一軍醫大學第二附屬醫院,但對外時嗌佢做珠江醫院。2004年8月,由於第一軍醫大學改名做南方醫科大學,醫院內部名按國務院中央軍委嘅命令而改名做南方醫科大學第二臨床醫學院,但對外醫院冇改到名,加上醫院亦加入咗廣東省直屬嘅綜合教學醫院。

2007年11月,醫院喺南泰路邊南邊起咗間16萬幾平方米嘅新醫療區出嚟。

出面網頁[編輯]