伯納·卜斯葛

伯納·卜斯葛（粵拼：baak3 naap6 buk1 si1 got3；法文：Bernard Boursicot；法文讀音：[bə(ʀ)nɑd bu(ʀ)si'kɔt]；1944年8月12號—）係一位法國嘅外交官，俾中華人民共和國派來嘅二五仔兼京劇演員時佩璞男扮女裝色誘，俾料大陸。呢單二五仔案跟住喺1986年審判，案入面勁搞鬼嘅「美人計」喺法國紅咗。1988年，呢單案俾美藉唐人編劇黃哲倫改編做百老匯劇《蝴蝶君》，1993年又改編做同名電影，由加拿大導演大衛·柯能堡執導，呢套戲同電影搞到呢單反骨案又紅番。

拍拖？

卜斯葛喺1944年出世，1964年做緊法國駐華大使館會計嗰陣識到時佩璞，嗰時時佩璞26歲，佢哋好快就拍拖。

1965年，時佩璞「有咗」，佢喺新疆買咗個細路扮自己生嘅仔，呢條友叫時度度，卜斯葛後來同個細路改咗個名叫班拿特（Bernard）。

返法國

卜斯葛喺返翻法國之後搵唔到時佩璞。1982年，卜斯葛將「老婆」時佩璞同16歲嘅「仔」時度度接去巴黎，「一家人」團聚。卜斯葛俾當局問話，承認畀咗時佩璞150份機密文件。1983年，卜斯葛同時佩璞因涉嫌通水而俾人拉咗。檢方話俾卜斯葛聽，時佩璞其實係男人。卜斯葛唔信，直到佢親眼睇到時佩璞個身先相信。知道真相之後，佢諗住自殺，但失敗咗。1986年，佢哋兩個俾人判通水罪名成立，各自踎六年監。

卜斯葛之後俾人特赦，放監之後佢同個基佬過住滿意嘅生活，當佢同時佩璞單嘢粉筆字噉抹咗去。時佩璞同時度度亦都冇再同卜斯葛聯絡。