瑞金

中華人民共和國 > 江西省 > 贛州市 > 瑞金市

瑞金（粵拼：seoi6 gam1）係中華人民共和國江西省贛州市下轄嘅縣級市。瑞金位於江西東南面嘅山區，隔籬就係福建。面積2448km²，人口64.46萬（2012年）。呢度曾經係中共黨人嘅活動核心地帶，叫做井岡山革命根據地，後來畀國民黨軍隊圍剿。1931年，毛澤東帶頭之下呢度成立咗中華蘇維埃共和國。1934年蔣介石喺度圍剿毛澤東。瑞金亦係中國工農紅軍長征嘅出發地。

史

• 唐天佑元年（904年）雩都縣析置出瑞金監，得名自「掘地得金，金爲瑞」。《太平寰宇記》：「瑞金場，淘金之場也」。《瑞金縣誌》：「置監時，有航浮水面，色如黃金，人目爲瑞」。
• 南唐保大十一年（953年）升為瑞金縣。
• 呢度曾經作為中華蘇維埃共和國國都，改名做瑞京。當時有宣傳話「北京南京不如瑞京、美國英國不如興國」。
• 1994年5月18號，撤換爲瑞金市。

政區

瑞金轄7個鎮、10個鄉、1個單位。

• 鎮：象湖鎮、瑞林鎮、壬田鎮、九堡鎮、沙洲壩鎮、謝坊鎮、武陽鎮
• 鄉：葉坪鄉、丁陂鄉、大柏地鄉、崗面鄉、日東鄉、萬田鄉、黃柏鄉、雲石山鄉、澤覃鄉、拔英鄉
• 單位：瑞金市工業園

攷

• 瑞金市府