瑪利奧

  想搵第二個意思嘅話，請睇瑪利奧 (搞清楚)。

瑪利奧
瑪利奧嘅經典設計
遊戲系列	馬利奧系列
首次登場	《大金剛》（1981）
角色設計	宮本茂
美術設定	宮本茂

代表瑪利奧人物嘅標誌

瑪利奧（粵拼：maa5 lei6 ou3；英文：Mario；日文：マリオ又寫做馬利奧、馬里奧），任天堂官方用國語譯名瑪利歐或者普通話譯名馬力歐，係任天堂設計師宮本茂設計嘅一個角色。佢大概廿幾歲，定居喺蘑菇王國，做水電工。由於多次救出俾Koopa捉走嘅碧姬公主，成為蘑菇王國嘅英雄。相反，華利奧係蘑菇王國嘅壞蛋。

歷史

1981年，瑪利奧喺任天堂著名作品《大金剛》（Donkey Kong）初次登場。當時佢重係一個好細嘅木匠，冇乜畀人注意。而大家了解到瑪利奧就係喺紅白機嘅作品《超級孖寶兄弟》（Super Mario Bros.）入面。

1985年9月13號係超級孖寶兄弟發售日，畀遊戲界叫做「瑪利奧嘅生日」（但係瑪利奧喺大金剛已經登場），喺正係孖寶兄弟嘅25周年（2010年9月13號），全世界12億瑪利奧擁躉用好多嘅方式慶祝呢日。

外形

睇均遊戲至電影嘅描述，瑪利奧身形矮得嚟結實，戴紅色帽、著住藍色吊帶褲同紅色衫，有濃密嘅鬍。佢嘅身形同衣著時會同佢細佬路易吉成對比：路易吉比較高瘦，戴綠色帽著綠色衫，但此外同瑪利奧好相似。

瑪利奧個造型原本係因為早期遊戲嘅像素有限，所以設計師用帽遮住頭髮、用鬍突顯面部輪廓。後來呢個造型反而變咗佢嘅經典象徵。

特徵

睇埋：跳台遊戲

瑪利奧最主要嘅能力係跳躍，事實係喺早期遊戲中佢曾經被稱為跳躍男（英文叫 Jumpman），喺各跳台遊戲入便可以跳起，踩死敵人或者越過障礙。佢仲可以食超級菇變大、食火焰花得到發射火球嘅能力、同埋食無敵星暫時變無敵狀態。喺某啲作品入面，佢仲擅長揸高卡車、打網球、踢波、甚至會參加奧運會，成為多才多藝嘅象徵。

關係

瑪利奧同其他角色嘅關係：

• 路易治：路易治瑪利奧嘅細佬，兩兄弟成日一齊出現遊戲同電影入面出現，路易治會支援阿哥。喺好多跳台遊戲作品入便，路易治出場會做支援型嘅角色，甚至可以喺某啲情況下取代阿哥做玩家控制嘅角色。
• 碧姬公主：碧姬公主係蘑菇王國統治者；喺好多遊戲之中，碧姬公主都會俾庫巴捉走，等瑪利奧嚟英雄救美。
• 庫巴：庫巴係瑪利奧系列嘅主要反派，多次綁架碧姬公主或者嘗試征服世界，次次都俾瑪利奧阻止，因此庫巴同瑪利奧係死對頭。

影響

瑪利奧係全球最具代表性嘅電子遊戲角色之一，被視為任天堂品牌嘅象徵，亦係電玩文化中為人熟悉嘅形象。佢登上過無數商品、動畫、漫畫同電影，包括2023年上映嘅動畫電影《超級瑪利奧兄弟大電影》。

譯名

譯名問題係Mario喺華語地區遇到嘅嚴重問題。一開始，有啲盜阪商將佢譯做馬莉、馬肉，之後中國大陸同台灣地區最早譯做「瑪利」，而香港人普遍譯做「瑪利奧」。2010年嘅作品《新超級孖寶兄弟 Wii》嘅推出，台灣同香港任天堂官方譯佢做「瑪利歐」。

出面網頁

• 瑪利歐嘅歷史－任天堂官方頁（日文）
• 新超級瑪利歐兄弟Wii(香港)